Скопје ќе го слави Боуви

Го најавуваме концертот на Mr. Ziggy And The GlassSpiders, трибјут бендот за легендарниот Дејвид Боуви кој ќе се одржи на 31 март, сабота, во малата сала на ВИП Арената - Борис Трајковски.
Вратите ќе бидат отворени во 20 часот кога ќе се проектира документарниот филм за Дејвид Боуви, а концертот ќе почне во 21 часот.

Бендот постои од 1991 г. и досега реализирал бројни настапи и турнеи во цела Европа. Во 1993 г. се наградени како „Најдобар трибјут бенд во Рим“. Mr. Ziggy And The Glass Spiders изведуваат песни од различни периоди од богатиот опус на Дејвид Боуви и за два и пол часа, колку што вообичаено траат нивните настапи, ќе ги свират најголемите хитови на, како што го ословуваат тие, господинот на, популарната музика, големиот Дејвид Боуви

На концертот ќе има и дуети на кои ќе настапат, наши - домашни музички артисти кои заедно со Mr. Ziggy And The GlassSpiders ќе ги отпејат безвременските дуети на Дејвид Боуви кои ги отпеја заедно со Квин, Тина Тарнер и Мик Џегер.

Влезниците во претпродажба за концертот ќе бидат пуштени во вторник 6 март во 14:00 ч. по цена од 350 денари. Од 19 март, понеделник, цената на влезниците ќе чини 400 денри, а на самиот ден на концертот на вратата на малата сала на ВИП Арената влезниците ќе чинат 500 денари.

Влезниците може да се најдат во Југотон, во (ГТЦ) и продажната мрежа на Тикет плус, како и онлајн на: ticketplus.mk и jugoton.mk.

ПОВЕЌЕ