Вести › Набрзинка

Википедија на македонски работеле за жените

9 март 2022

Здружението „Споделено знаење“ кое се занимава со умножување на статиите на Википедија на македонски јазик, на 8ми март имале уредувачки ден на тема „Жени“; биле создадени 14 статии и подобрени 3 статии. За Македонки, но и за Романки и Бугарки, без разлика со што се занимаат или по што се познати.
Статии што биле создадени на 8 март се:

Елизабета Бахтовска - македонска универзитетска професорка;
Соња Лапатанов - македонска балерина и писател од руска народност
Магдалена Хаџи-Коста Јосифовска - македонска универзитетска професорка
Сања Шојлевска - македонска пијанистка и музиколог
Марија Шољакова - македонски анестезиолог и универзитетска професорка
Милица Шперовиќ-Рибарски - македонска пијанистка и музиколог
Анета Шукарова - македонски класичен филолог и историчарка
Надежда Цветковска - македонска историчарка, професорка и научен советник
Штефанија Жипа - романска ракометарка
Дорина Емилија Карбуне - романска ракометарка
Викторина Бора - романска ракометарка
Јулија Куреа - романска ракометарка
Екатерина Џукева - бугарска ракометарка
Јана Динева - бугарска фудбалерка

извор

Ангели - Демони 3:0

11 септември 2026

Во Бигорскиот манастир биле замонашени три нови монаси. Стефан, Владимир и Јован ги оставија своите световни имиња и го започнаа својот нов духовен живот како Теодосиј, Харитон и Никифор.
Свечениот ритуал (тоа да ти се викало „рамноангелски потстриг“) го започнал дебарско-кичевскиот митрополит Георгиј, ги замонашил („до олтарот ги приведе“) нивниот духовен отец и игумен на манастирот, Партениј а пееле („псалмопение“) гостите од хорот „Свети Јован Кукузел“ од Тирана.
„Нека им е за спасeние на душите, за радост на Ангелите а порази на демоните! Господи помилуј!“, порача братството од Бигорски.

извор

Берлин ќе ги поткажува украинските мажи што се кријат од воена обврска

11 септември 2026

Германските власти планираат да му ги испратат на Киев адресите на украинските мажи што престојуваат во Германија, за да им бидат испратени повици за воена служба.
Во Германија тие се товар затоа што добиваат социјална помош, а на Украина ѝ се итно потребни затоа што остана без доволно војници на фронтот. Пишувавме дека само на федерално ниво, во 2025 година мигрантите ги чинеле германските даночни обврзници 24,8 милијарди евра, додека реалната сума е многу повисока.
„Знаеме кој живее овде. Кој прима социјална помош, кој е регистриран кај локалните власти, кој има статус на престој. Врз основа на овие податоци, украинската влада би можела да стапи во контакт со овие мажи и да побара нивно присуство. За ова може и треба да се разговара“, изјави германскиот министер за надворешни работи Јохан Вадефул. Притоа истакна дека процесот треба да се одвива без принуда.
Се проценува дека од вкупно 1,3 милиони украински бегалци во Германија, околу 600.000 се мажи на воена возраст.
Канцеларот Фридрих Мерц уште во ноември минатата година го предупреди Зеленски дека Германија ќе ја намали помошта за украинските бегалци, за да го запре новиот бран на миграција на млади мажи што не сакаат да бидат мобилизирани.

извор