Вести › Набрзинка

Транспарентни перверзии

20 април 2023

Владата им бара на пратениците, односно оние кои ја избраа (без да имаат безбедносен сертификат) да поседуваат таков сертификат за да им го покаже договорот со Бехтел и Енка тежок 1,3 милијарди долари. Другите не може.
„Пратениците што имаат безбедносни сертификати се бројат на прсти“, потсетува Антонио Милошоски.
Христијан Мицковски: Свиркачи ни го дадоа целиот договор со „Бехтел и Енка“, полн со скандалозни делови – еден е надлежноста на законодавството на Англија и Велс.
Солза Грчева: За договорот со „Бехтел и Енка“ ДУИ ќе се наполнат со пари и ќе ги купат следните избори.
Дарко Каевски: Проектот за коридорите е транспарентен.

извор

Директорот на Ryanair: Фон дер Лајен е „бескорисна“

22 октомври 2026

Првиот човек на „Рајанер“, Мајкл О’Лири, го обвини Брисел дека го поткопува европското воздухопловство преку нееднакви давачки за јаглеродни емисии. Повисоко ги оданочува летовите во рамките на ЕУ, а ги ослободува американските и кинеските авиопревозници, иако тие испуштаат повеќе штетни гасови.
Според Евроконтрол, летовите на долги релации претставуваат само 6% од вкупниот број во Европа, но создаваат 53% од емисиите на јаглерод. Сепак, спаѓаат под поевтината категорија на ОН за компензација, а не во внатрешниот систем на на ЕУ.
Европската комисија предложи од 2029 година да ги прошири мерките врз одредени летови што поаѓаат од Европа, но тоа нема да важи за подолгите рути и летовите што пристигнуваат од САД и Кина.
„Урсула фон дер Лајен се плаши да направи нешто освен да зборува. Таа е бескорисна. Европа има патоказ за поголема конкурентност – тоа е Извештајот на Драги. Две години подоцна, ниту една од неговите препораки не е спроведена, а Урсула фон дер Лајен се крие во зградата 'Берлемон' и не прави ништо, освен што држи говори“, изјави О'Лири за Еуроњуз.

извор

Милиони хакерски напади врз интернет

22 октомври 2026

Фирми за кибернетска безбедност регистрирале милиони напади врз веб-страници откако беа објавени критични пукнатини во програмскиот јазик PHP на кој се потпира интернетот.
„Десет часа пред објавувањето на ранливоста, забележавме илјадници обиди за злоупотребување на мрежата. Таа бројка се зголеми на десетици илјади во 45-те минути по објавувањето, на стотици илјади во рок од 2 часа, а сега достигна милиони“, изјави Метју Принс, директорот на Cloudflare.

Додека се надградува заштитата на серверите, во прекин се многу владини, даночни, банкарски, авионски и железнички услуги од Финска до Јапонија.
„Тоа беше долг ден и долга ноќ, за сите што работат во информатичкиот и безбедносниот сектор. Вакво нешто не сум видел многу, многу долго време“, изјави Сатја Надела, извршниот директор на Микрософт.

извор