Поранешниот премиер на Јапонија, 67 годишниот Шинзо Абе, беше застрелан за време на говор во кампања.
Со веројатно рачно изработен шатган, во вратот и во левата страна на градниот кош одзади го застрела 41 годишниот екс-маринец Тетсуа Јамагами кој „не бил задоволен“ од Абе.
Во 2006-та, тогаш 52-годишниот Абе стана најмладиот премиер во историјата на Јапонија. До 2020 година, кога се повлече од премиерската функција, помина вкупно девет години на таа позиција, повеќе од кој било друг премиер од Втората светска војна.
Пентагон додаде уште 142 ранети војници во ажурираната официјална база за воени жртви, но ги издвои во посебна категорија, која не ја опфаќа првичната престрелка со Иран.
По ново, Пентагон наведува дека САД всушност имале два одвоени воени конфликти со Иран. Во првиот - операцијата Епски бес, од 28 февруари па сè до прекинот на огнот, заклучно со 6 јули, во борбени акции загинале 14 војници и 417 уште биле ранети. Периодот по 7 јули, кога САД ги обновија нападите врз Иран, е издвоен во друга категорија „Операции во странство“ и наведува дека загинале четворица војници и 207 биле ранети.
Со ова всушност привидно се намалува вкупниот биланс на американски жртви од војната со Иран, кој изнесува 18 загинати и 624 ранети војници.
Промената има политичка цел. Билансот се усогласува со Законот за воени овластувања од 1973 година, кој бара од претседателот да ги прекине воените операции во рок од 60 дена, освен ако Конгресот не одобри продолжување. Администрацијата на Трамп тврди дека примирјето од април го затворило тој временски прозорец, а на 7 јули почнало ново одбројување од 60 дена.
„Дозволете ми да ја објаснам оваа апсурдна измама. Пентагон се преправа дека имало две војни со Иран, разделени со краткотраен прекин на огнот. Реалноста е дека со тоа што поминаа повеќе од 90 дена војна без одобрение од Конгресот, министерот за одбрана Пит Хегсет го крши законот и мора да сноси одговорност“, реагираше републиканскиот конгресмен Томас Меси.
На 75-годишна возраст почина легендарниот македонски актер Гоце Тодоровски.
По завршувањето на ФДУ во класата на професорот Илија Џувалековски, глумеше во Драмскиот театар во Скопје, во кој одигра десетици улоги во „Болва во уво“, „Чија си“, „Солунски патрдии“, „И бол и бес“, „Џинот“...
Неговото име останува силно врзано за култните „Македонски народни приказни“, во кои преку своите незаборавни ликови ги промовираше народното творештво и македонската традиција.
Остави силен печат и во телевизиските серии „Бушава азбука“, „Итар Пејо“, „Булки кај шините“, „Трст виа Скопје“ и во филмовите „Среќна Нова ’49“, „Викенд на мртовци“, „Црвениот коњ“... Беше дел од сатирична радио-емисија „Хихирику“.
Тодоровски е добитник е на бројни награди. Лани ја доби државната награда „23 Октомври“ во областа на културата и уметноста.
