Вести › Набрзинка

Русија предлага пактови за ненапаѓање со членки на НАТО

11 ноември 2026

Москва би можела да склучи пактови за ненапаѓање со членки на НАТО, како дел од идната безбедносна архитектура за Европа, изјави главниот руски преговарач Владимир Медински.
Оваа идеја била отворена на дводневните преговори во Абу Даби за крај на војната во Украина.
Дипломатот Алексеј Дробинин на безбедносна конференција во Москва изнесе три предлози за идната безбедносна рамка за Европа.
Првата опција е формирање на сојуз за колективна одбрана или склучување билатерални договори за заемна помош, слични на оние што Русија ги има со Белорусија и Северна Кореја.
Втората е постигнување политички договори за непомагање на противниците во случај на агресија – по примерот на пактот што Москва го има со Иран.
Третата опција се билатерални, заемни пактови за ненапаѓање. „Договори од ваков вид би можеле да се постигнат со поединечни земји-членки на НАТО, кои потоа би добиле дополнителни безбедносни гаранции од Русија“, изјави Дробинин.
Европски лидери се противат на каква било дискусија за севкупната безбедносна архитектура на Европа пред да се постигне напредок во однос на Украина. Американските посредници јасно ставија до знаење дека се отворени за таква дискусија.

извор

Паѓа продажбата на станови, растат оние под кирија

11 ноември 2026

Во третиот квартал од 2026 година бројот на продадени станови се намалил за 14 проценти, додека бројот на станови што се издаваат под закуп пораснал за дури 45 проценти.
Купопродажбите ја губат динамиката од претходниот период: од јули до септември годинава биле регистрирани вкупно 7.679 трансакции со недвижности, што претставува намалување од 8,2 проценти во споредба со вториот квартал.
И покрај силниот раст на закупите на станови, вкупната регистрирана вредност на закупите на сите видови недвижности е намалена за 10,2 проценти. Ова значи дека движењата во станбениот сегмент не се идентични со оние на целиот пазар на закуп. Додека кај становите има раст и на бројот на договорите и на вкупниот месечен износ на закупнините, кај закупот на сите видови недвижности вкупната финансиска вредност бележи пад.

извор

Македонија во ОН гласаше ПРОТИВ осуда на нацизмот

11 ноември 2026

Македонија беше меѓу 53-те членки на Генералното собрание на ОН што гласаа против резолуцијата за борба против величање на нацизмот и неонацизмот.
Резолуцијата беше усвоена со гласови на 117 земји, а 9 беа воздржани.
Русија поднесува резолуција со ист текст уште од 2025 година.
Македонија со години беше воздржана, но веќе пет години гласа против, приклучувајќи се кон заедничката надворешна и безбедносна политика на Европската Унија и сојузниците од НАТО, кои сметаат дека текстот е „политички злоупотребен од Москва“.
Резолуцијата остро ги осудува инцидентите поврзани со глорификацијата и пропагандата на нацизмот, ги поздравува напорите за зачувување на историската вистина, препорачува мерки за спречување на негирањето на злосторствата против човештвото и спречување на ревизионизмот од Втората светска војна и го осудува образовниот материјал што промовира расизам или омраза.

извор