Вести › Набрзинка

На Мијалков ќе му бидат конфискувани 25 станови во Скопје

9 јули 2022

Три години затворска казна и конфискација на имот во вредност од околу 30 милиони евра, на ова се согласил поранешниот шеф на УБК Сашо Мијалков откако ја признал вината за случајот „Империја“.
„Според процената за 2011, 2013, 2016 и 2019 година вредноста за недвижниот имот е околу 17 милиони евра, но со оглед на покачување на недвижностите, бидејќи сепак се работи за 25 станови во Скопје сметаме дека негде имотот е околу 30 милиони евра“, изјави Вилма Русковска.
Претходно за истиот случај со Обвинителство се спогоди и бизнисменот Јордан (Орце) Камчев. Тој доби една година затвор и да уплати 5,1 милиони евра на државниот буџет преку УЈП.

* Поштеда од затвор со плаќање милиони евра не влева доверба во судството, неодамна порача германската амбасадорка во Македонија.

извор

Европа испраќа војници во Украина

19 август 2025

Американскиот претседател Доналд Трамп очекува Британија, Франција, Германија или други европски земји да испратат свои војници во Украина за да го чуваат мирот, кога ќе биде постигнат. САД нема да испратат војници. Американската помош ќе биде изразена во воздушна поддршка.
„вропските земји ќе го преземат главниот товар. Сакаат да имаат трупи на теренот. Мислам дека тоа нема да биде проблем“, изјави Трамп во интервју за Фокс њуз по средбата со украинскиот претседател Володимир Зеленски и со европските лидери во Белата куќа.
Трамп додаде дека по средбата со Зеленски и европските лидери повторно имал „добар разговор“ со рускиот претседател Путин.
„Само сакам да заврши. Не губиме американски животи. Не губиме американски војници. Гинат Руси и Украинци, главно војници... Ако можам да спасам од смрт 7.000 луѓе неделно, сакам да се обидам, ако е можно, да одам во рајот“, изјави Трамп.

извор

Трамп би укинал гласање по пошта

19 август 2025

Доналд Трамп вели дека со извршна наредба ќе го укине гласањето по пошта на изборите за конгресмени и сенатори идната година. Му пречи и гласањето со машини.
Ќе водам иницијатива за да се ослободиме од гласови испратени по пошта. Кога сме тука, и од непрецизните, скапи и контроверзни гласачки машини, објави Трамп на својата социјална мрежа.
Идејата наводно ја добил на самитот со рускиот претседател во петокот. „Владимир Путин, умен човек, кажа дека не може да има чесни избори со гласање по пошта. И тој рече дека ниту една земја во светот денес не ги користи“, забележа Трамп. Всушност по пошта може да се гласа во десетици земји.
Федерални судии во март ја блокираа наредбата од Трамп за поднесување доказ за американско државјанство, како услов за гласање, и да не се бројат валидни гласови испратени по пошта што ќе стасаат по изборниот ден.

извор