Вести › Набрзинка

Македонски државјанин меѓу жртвите во Нови Сад

2 ноември 2024

Васко Саздовски (45) е македонскиот државјанин што загина во несреќата во Нови Сад кога натстрешница од железничката станица во градот се урна и поклопи дел од лицата што беа под неа.
Загинале 14 лица, меѓу кои и деца, сестричките Тина (9) и Сара (5). Има и тројца тешко повредени.
Во јули годинава, српскиот министер за градежништво, сообраќај и инфраструктура, Горан Весиќ, изјави дека Железничката станица во Нови Сад е реконструирана и комплетно во функција.
Две реконструкции на Железничката чинеле 65 милиони евра. Весиќ сега вика дека се утврдува кој ставал печати и потписи и кој утврдил дека натстрешницата не е за реконструкција.

извор

Кругман: SpaceX е како криптото на Трамп – ќе ќарат тие што на време ќе продадат

18 јуни 2026

Нобеловецот Пол Кругман го споредува растот на акциите на SpaceX со манијата на купување криптовалути што ја покрена Доналд Трамп.
Кругман тврди дека пазарната капитализација на компанијата на Илон Маск расте поради возбудата на пазарите, а не поради фундаментални фактори.
„Сè за SpaceX во суштина е во возбудата. Всушност, тоа е меме-акција од 2,75 билиони долари. Единствените победници ќе бидат оние кои влегоа рано, предизвикаа пазарна возбуда и ќе излезат пред дното неизбежно да падне“, додаде Кругман.
Првите сигнали за шпекулативна трговија се појавија вчера, кога акциите на SpaceX паднаа за 3%, откако во претходните денови ја зголемуваа вредноста за близу 20%.
„На својот врв, биткоинот имаше пазарна капитализација слична на онаа на SpaceX сега. Сепак, фактот дека биткоинот е економски бескорисен за ништо друго освен за перење пари значеше дека неговите зголемени вреднувања се темелеа на верувањето дека администрацијата на Трамп ќе им дозволи на компаниите за крипто ефикасно да работат како нерегулирани банки. Како што паѓа рејтингот и политичка моќ на Трамп, така опаѓа и вредноста на биткоинот. Но, оние кои рано се вклучија во трговијата и им ги продадоа своите акции на оние што веруваат во Трамп, заработија многу пари“, објаснува Кругман.

извор