Борис Џонсон нов премиер на Британија
23 јули 2019
Вести › Набрзинка
На Украина ѝ се потрошија „патриотите“
16 октомври 2026
- Украина ги потрошила и последните ракети од американскиот систем за противвоздушна „патриот“, тврди извор на ЦНН. Поради тоа не била во можност да пресретне речиси ниту еден балистички проектил во последниот руски напад.
- Украинските сили во средата објавија дека пресретнале четири руски балистички проектили истрелани кон енергетски централи во Киев и Харков. Тогаш веројатно ги употребиле последните пресретнувачки ракети од резервите.
- Претседателот Зеленски уште од август бара од САД да му испратат повеќе системи „патриот“ со ракети или да ѝ дадат лиценца на Украина самата да ги произведува. Тогаш изјави дека Украина располага со само 10% од ракетите што ѝ се потребни.
- Трамп не даде ниту ракети ниту лиценца.
- По налог од Белата куќа пред три дена бил ограничен и пристапот на украинските сили до сателитскиот систем Starshield, кој го користат за акции со дронови врз руски цели. Вчера бил вратен пристапот, но врската се прекинува ако дроновите надминат одредена брзина.
Трамп го откажа директниот пренос од погубувањето на мајорот Хасан
16 октомври 2026
- Доналд Трамп објави дека нема да биде директно пренесувано погубувањето на поранешниот мајор Нидал Малик Хасан, осуден на смрт поради убиство на 13 луѓе во базата Форт Худ во Тексас во 2009 година. Хасан ќе биде изведен пред стрелачки вод на 3 декември.
- Јавноста бурно реагираше откако шефот на Пентагон, Пит Хегсет, го најави директниот пренос од првата воена егзекуција со стрелање во САД по повеќе од половина век.
- 45 поранешни генерали и адмирали во отворено писмо го повикаа Трамп да ја повлече одлуката за пренос во живо, опишувајќи ја како „варварска злоупотреба на овластувањата“. Дури и потпретседателот Џ.Д. Венс изрази згрозеност од одлуката: „Ако воопшто има пренос во живо, јас нема да го гледам“.
- „Мислам дека преносот на погубувањето, достапен за сите, можеше да биде силен одвраќачки фактор. Светот ќе видеше како Америка се справува со терористите и со ’олошот‘ каков што е Хасан. Сепак, многу добри и добронамерни луѓе не би сакале да го гледаат како умира – ниту преку пренос во живо, ниту преку кој било друг визуелен медиум“, напиша Трамп на својата социјална мрежа.
