Значи стварно се изнасравме на сè што годинава се случува околу Евровизија. Не дека нема за што: ем тоа песната помпезна (замислите Турчин пред ТВ кога сфаќа дека НИЕ пееме за империја), ем спотот крајно лош, ем да ја трошиш Есма со таква песна е како да ја имаш Мерил Стрип за еден филм а ѝ даваш да ти глуми во "Македонски народни приказни". Одиме со верзија од читател кој додал дополнителни вокали и заменил пар кадри кои по него подобро ја претставуваат состојбата во нашата земја.

Интервју со првата жртва на затруеното млеко. Контаминираните млечни производи предизвикуваат два главни симптоми: подригнување (на цела фамилија) и непрестана желба за зборење.

Милион пати употребената финта со надсинхронизирање на познатата сцена од филмот Untergang со Бруно Ганц, секогаш знае повторно да биде свежа кога ќе се употреби на актуелна ситуација. Ајмо, весело и опуштено.