А вие мислите само скопскиве се забегани што организараа настан  по повод урбанистичкиот гејм чејнџер проект „После ГТЦ, 50-ка одма ќе врти десно, наместо да оди право па десно“ (не може пократко да се опише, комплицирано е). Чекајте да ги видите нивните ПР побратими од Владичин Хан. На платото пред општината, свечено предавање на - клучеви од четвороцикл.

Телевизиски прилог за она што сè се случува во Домот „25 мај“ (и сите као изненадени а тоа трае со години; се сеќава некој на сведоштвата на бездомничката Персида?). И бидејќи прилогот оди во живо, еден сосема случаен опис на поговорката „Кучињата лаат, карванот си врви“.

Државен секретар за демографија во хрватската влада, сред прес конференција си дава оставка! Со најчовечко образложение, во име на професионалниот и моралниот интегритет. И немојте некој да кажал: „Ете што е Европа!“ Пошто не е до Европа, до човекот е.