Ние и тие (спорогоречкиот Оф.нет и брзорастечката 1ТВ) сме толку различни светови што стварно мислиме дека нема потреба да се мешаме (иначе со гушт ќе ги рецензиравме оние анбиливибл интервјуа со нивниот газда). Но, ако веќе тврдиме дека се бориме за култивирање на публиката и јавниот простор, да си кажеме нешто поштено:

Не би го ставиле ние ова за наслов ако тоа не беше главниот стих, односно главниот аргумент по кој би требало да се реши брачната дилема на главната хероина на песната, извесна Данче. Ако ова „главното“ ви е спорно, чек да го видите „споредното“.

Ера Ојданиќ е стар ридикул од српската фолк сцена. Има песна која му се вика „Паук“ и која е во хармонија со неговиот опус (значи, глупа). Ама се фаќа како меме по кафани и други места кај што ќе се чуе. Чисто да знаете како да се понашате ако ја слушнете.

Како што неговите предци биле оковани во железни прангии, така е тој окован во ракија, сплавови и љубовни јади. После една целовечерна тортура на тоа зло трио, бил толку уништен што мајка му не го познала. Сега замислете ги во полиња, берат памук и пејат некоја претешка од Џани.

Повторно Спрингвејл, Австралија, црквата која ја имавме на сајт кога најголем проблем беше што не беше отворена. Ќе видите како тоа што не беше отворена, ич не беше најголем проблем. Подгответе се за сцени со богобојазлив народ и богоудогна атмосфера во конечно отворениот божји храм.

После децении лабораториски истражувања, првпат се случува и едните и другите да се подеднакво затруени и да имаат плунка како да работат во индустрија со олово.