Вакво четиво немате читано уште од онаа легендарна писмена работа која ја имавме на Он.нет. Истиот вознес, истата љубов, истата поетска наива и „feeling determined“.  Ако па и испадне дека стварно се работи за истиот автор (ништо овде веќе не може да нè изненади), ќе бидеме пресреќни затоа што таа, татковината, на крајот сепак умеела да ги препознае своите таленти и да ги постави на вистинското место.

Кога го споделивме Зоран Шумадинац и неговиот психоделичен ГОА фолк „Аутотјун“, имавме чувство дека на таа сцена недостасува нешто. Мислевме на надлежна институција, жуто комбе, ЕБР, агент со лајсенс ту кил... Не ни помислувавме дека празнината ќе ја пополни суштество како Цара Мими која на цел глас се заканува со идејата да замислиме како се увлекува (набива?) во секси бикини.

- Ајде нека пробаат Французи да кажат „рррррррррррррр“.
- А нема ли еден скриен глас во тоа „ррррррррр“?
- Нема. Само “ррррррррррррр“. 

Во Неготино не постои мерна станица за загаденост на воздухот од ПМ честички а во Кавадарци се навикнати да им кажуваат дека загаденоста е од пожари и градежни работи.