Ако е точно дека луѓето се она што го јадат и што го пијат, тогаш ние сме фалц луѓе. Српски пратеник ветува дека дека наскоро ќе ги обелодени конкретните лабораториските податоци според кои 80 проценти од она што се јаде е пие е фалсификат: од 18 вина - 16 се фалц, од 25 примероци на мед, 22 не се мед, од седум ракии шест се фалц ракии... Ај грозје ќе најдеме, ама крава, кај ќе ја чуваме? 

Деновиве Скопје се гуши во смрад од изгорена пластика, ѓубре и сè што може да се изгори за да се дојде до некој денар повеќе.  Не е Дрисла единствениот причинител, живееме сред куп диви депонии (која дива, која со истечена документација). „Тешко им е да ги најдат ама многу е лесно да седнат на Гугл мапс за да добијат слика како тоа изгледа“, ни пишува читател праќајќи ни пакетче линкови.

Здраво Трендо,
Јас сум прв за заштита на лични податоци, ама ова е веќе смешно. Те молам погледни го документот кој ти го праќам. Му ставиле црна коцка преку лицето бе! На кандидатот за вршење на јавна функција?!? Арно фереџе што не му нацртале.

„После 101-вото враќање, имам потреба нешто да предложам, бидејќи моето маало, мојот град, и мојата земја не сум ги видел во полоша состојба. Запуштени, занемарени, оставени сами себе да се изглодаат однатре“, пишува еден наш човек со апел за зелен бран, справување со кучињата скитници, легализација на дрогите... но како прво, менување на временската зона: „Како да градиш држава ако од самиот старт, од “Колку е часот?”, си грешка?! “