Нејасно е што газдата очекува од ангажирањето на оваа сериозно раштимана Шемса. Да се зголеми прометот или бројот на самоубиства? Иако нема придружна група туку пее на матрица, не би изненадило ако еден ден и матрицата тргне по стапките на шанкерот и фати штрафта од таму.

Го прашуваат Лука Дончиќ што би сакал да слушне како музика на пауза на Ол Стар натпревар. - Мора ли американско? - Не, што сакаш, му враќаат. - Не ја знаете.... вика тој. Пред дубоко да се увредите и згрозите, да бидеме реални, Лајбах ли да ги нарача?

Амбасадорот на Србија во Варшава ги предал акредативите на претседателот на Литванија, Гитанасу Науди. На средбата се разговарало за билатералните односи а присутните фотографии се пазеле да не им настрада објективот, бидејќи амбасадорот се има напикано во сакоенце од матурска. Како и на други политичари, сè му е тоа од нервози и стрес.

Уште кога УСТАТА на почеток ќе каже „Проба, проба“ вие кажете му „Во уста да ти го дроба, дроба“. После е полесно да се поднесе сета глупоштина која тој ќе ја изрецитира на најидиотската можна тема на која ваков лик може да се сети. Има ли бе таму некој што ги пердаши сопствените идиоти како што ние овде ги плескаме нашите?

Уште од Аудиција, Бомбај штампа и Топ листа надреалиста е јасно дека Бранко Ѓуриќ е раскошно талентиран дечко. Најубаво во сето тоа е што успеа да ја задржи онаа своја сараевска ведрина и хумор, без попат да почне да се сфаќа пресериозно, како што знаат годините така да намамат човек. Еве го со преработка на Just A Gigolo / I Ain't Got Nobody.