Илон Маск мозга како да стигнеме до Марс, Индија гледа да не изгори на својата прва мисија за истражување на Сонцето, Америка и Запад се концентрирани како од мажи да прават жени и обратно, но и овде, на Балканот, не сме без технолошки предизвици. Сите надежи се свртени кон Боро Мајсторовиќ. 

Бугарска фирма фрла на Спотифај 500 „песни“, сите на минималец од 31 секунда, бидејќи слушање 30 секунди се смета како еден стрим. Потоа, полека- полека, без никој да забележи, прават плејлиста со тие 500 песни и почнуваат да ги „слушаат“ на рипит од 12 акаунти. Дури една година подоцна, Спотифај сфаќа дека им исплатила милион долари, затоа што биле „слушани.“ 

Во духот на традиционалниот двоглас, како и култните Нервозни поштар (гитара со дисторзија) и лесковчанецот Лаки кој докажа дека нема тема која не може да се опее, Гоци и Лазо (црногорските Сајмон и Гарфанкел) го опеваат кумот, семејниот функционер чија важност е овековечена во заклучокот „кум није дугме.“ Значи, епитетот се римува со куме. А не е шуме. Е, што е де?

Пицулин (англиски: Pussyman) е женкар. Зад него се 45 брака и исто толку разводи. Искуството му донело мал милион детали и спецификации до кои држи при изборот, иако актуелната, 46-тата... ќе ја видите. „Жена можеш да ја облакаш во свила, секој ден да ја храниш со кикирики (?!), ама ако мажот во кревет е баба, отиде она“, ќе каже зналацот. Чекајте да го слушнете неговиот опис на Јапонките.

Српската премиерка соопшти дека пред некое време ја издале првата дозвола за возило без возач, ниво три. Тоа е кога во возилото има возач, но тој не управува со командите на возилото. Ќе видите, имало такви модели и пред да биде издадена дозволата.

Пратеник во српскиот парламент и лидер во една помала партија, го обвинува опозиционерот Милован Ѓилас дека крвнички го тепал неговото куче. Зошто Ѓилас крвнички би го тепал кучето на пратеникот? Затоа што кучето претходно го нападнало неговиот мисир.