Македонскиот репрезентативец Ѓоко Зајков изгледа нема да дебитира во украинското првенство, откако ноќеска безбедносната ситуација во оваа земја нагло се влоши.

Воениот конфликт во Украина ја потресе и спортската јавност, па распоредот и календарите на одигрување на некои средби се доведени во прашање, првенства суспендирани, натпревари одложени.

Бенфика и Ајакс одиграа ефикасен меч во Лига на шампиони со четири гола. На крајот со 2-2 задоволни и едните и другите, домаќинот зошто израмни во 72’ минута а гостите зошто на реваншот ќе имаат активен резултат. Јаремчук израмни на 2-2 и голот го прослави со маица за поддршка на неговата земја Украина.

По сензационалната победа над Португалија и пласманот на Србија во Катар, Дарко Панчев во утринска српска емисија кажа дека српската репрезентација со Митровиќ, Влаховиќ и Јовиќ во напад, може да биде раат со давање голови во наредните 10 години. 

Втората осминафинална ноќ оваа недела во ЛШ заврши без победници, што внесува уште поголема возбуда и неизвесноста на реваншите. Атлетико и Ајакс можат да жалат за резултатите, бидејќи ги имаа победите в раце.

Пазете го друштвово: Роналдињо, Иниеста, Ибрахимовиќ, Меси, Роналдо, Нејмар, Зидан, Ривалдо, Хаџи, Окоча, Рибери, Тоти, Анри, Кака...А да, го има и Џон О`ши со оној негов антологиски дриблинг против Фиго. Многу моќна компилација, која те враќа во минатото да сфатиш што чудесија од мајстории сме се изнагледале во ЛШ.

Само два дена по епскиот хет-трик од автоголови, дело на репрезентативка на Нов Зеланд, налетуваме на ваков слободен удар. Ќе си пукнеме од мака што нема никогаш да дознаеме што ќе се случеше ако шутнеше и трет пат.

Челси рутински се справи со Лил и славеше 2:0 на првиот меч пред реваншот во Лига на шампиони. Победата ја најави во 8’ минута Кај Хаверц кој влета после еден корнер на Зијеш и со глава го отвори резултатот. Opta пресметала дека ова е веќе четврти гол по корнер на Челси во Лига на шампиони. Никој повеќе не дал од нив.

Апсурден начин на стопирање акција и правење фаул во Аргентина. Му ги распара шорцевите, па фатија да го крпат на лице место.

Стадионот „Хјувефарма Арена“ во градот Разград на кој игра хегемонот во бугарскиот фудбал, Лудогорец, ќе биде домаќин на најдобрите бугарски и македонски фудбалери на отворање на третата сезона од Лига на нации.

Дечкото се вика Фабињо, има 20 години, игра на позиција десен бек и тоа e сè што треба да знаете. Поентата е во тоа само да го гледате како им го зема паметот. А за ова десен бек, нека си размисли добро тренерот после клипов.

Најскапото зимско засилување за кое Јуве одвои астрономска сума, вечерва на гости на стадионот „Де ла Керамика“ даде гол после само 32 секунди игра и стана еден од рекордерите со најбрз дебитантски гол во Лига на шампиони. Виљареал успеа да израмни до крајот, а Челси со 2:0 рутински го совлада Лил.

Стоперот на македонската фудбалска репрезентација играше за Работнички, Рен, Шарлоа и Левски Софија, а од минатиот месец е тазен член на украинскиот прволигаш Ворскла Полтава кој котира на петто место на табела. Нема намера да ја напушти земјата, на 27-ми ќе дебитира за новиот клуб.

Ретко е, ама знае понекогаш да се случи ова на фудбал, овој пат во Индонезија. За коментаторов изгледа прва ваква сцена во пренос, со оглед на тоа колку слатко се изнасмеа.

Статистичарите извадија податок дека вакво нешто последен пат успеала да направи Фиорентина пред 66 години. Што се случило на крај? Го освоила Скудетото.

И покрај тоа што пред само два дена, во шпанска Марбеља која важи за идеално место за подготовки се сретнале селекторите на Русија и Полска, Валериј Карпин и Часлав Михневич и во срдечна атмосфера разговарале за претстојниот полуфинален бараж за пласман на Светско првенство, сè погласно се заговара одложување на овој меч поради затегноста на односите меѓу Русија и Украина.

Најчести одговори се Роналдињо и Зидан, по некој за Меси, Тоти, Бергкамп, а има и такви кои растеле со финтите на Давид Силва кој од скоро игра за Реал Сосиедад во Шпанија.

Снимката е направена во Рим од балкон и штета што трае само 14 секунди. Во еден момент една место топката, ја рогна копачката, ама нејсе. Тука се забележува желба за фудбал, што е најважно. Браво за калуѓеркиве.

Во бразилското првенство Катариненсе, на мечот меѓу екипите на Конкордија и Шапекоенсе домашните пробаа итро да изведат еден слободен удар кој го вежбале на тренинг. Се посрамотија пред цел стадион а видеото се прошири по цел свет.

Македонскиот репрезентативец удри сефте во новата фудбалска средина за Ал Феја. Со својот прв гол, Александар Трајковски им помогна на своите да се пласираат во полуфиналето од кралскиот Куп. Славеа против Ал Батин со 2:1, а тој го постигна првиот гол на мечот по една убава асистенција.

Македонскиот стратег Влатко Андоновски кој ја води женската фудбалска селекција на САД, беше сведок на најуникатниот хет-трик за кој сте чуле до сега. Ем брз, ем во исто полувреме, па уште и во погрешна мрежа. Неверојатно.

Шкендија - Борец, македонска прва лига. Еден од играчите повреден лежи на терен. Нит се истрчаа да го земат со носилки, нит со оние количкине. На раце го изнесоа, како да е ова меч од 1952-ра година. Па уште и на Арена ја даваат, за да пукне регионална брука.

Нил Мопеј од Брајтон против Ерик Питерс од Барнли. На почеток ќе разбереме, борба за топка, ама на крај ја претера и ќе влезе во некоја неславна компилација на потези во фудбалот.

Вестерн Јунајтед со 3-2 го победи Вестер Сиднеј Вандерерс. Два гола за домаќинот даде Бен Гаручио а вториот, за водство од 3-1 беше неверојатен. Сигурен кандидад за наградата „Ференц Пушкаш“ за најубав гол на сезоната.