Откако летото 2023 година замина во Баерн, ниту еден фудбалер не постигна повеќе голови во ЛШ од него. Зад неговата бројка од 21 гол моментално се Мбапе, Рафиња, Халанд, Левандовски. Фудбалската планета е свесна за тоа што Хари Кејн го носи во Баерн, а во исто време постигнува 30+ голови, како од шега.

Претстојниов викенд на програмата се големи дерби дуели, 10 натпревари на кои ќе има зовриена атмосфера. Да почнеме со ред:

Ветеранот на Лестер изненадно потпиша за Кремонезе, а Италијанците одма го седнаа да го научат некој основен збор на италијански. За нецела минута се откажа.

Рубен Ван Бомел (23) е син на легендарниот холандски фудбалер Марк Ван Бомел кој играше за ПСВ, Барселона, Милан, Баерн Минхен и репрезентацијата на Холандија. Сега син му кој игра во ПСВ Ајндховен постигна дебитантски гол во Лига на шампиони, на отворањето во поразот дома 1:3 од белгиски Ројал Унион Сен Жилоа. Марк Ван Бомел исто даде гол во Лига на шампиони во септември 2000-та година, пред 25 години, во големата победа 3-1 против Манчестер Јунајтед.

По точно една декада везење во дресот на Манчестер Сити, Де Брујн заигра против Манчестер Сити. Го испочитуваа и играчите и навивачите.

Фудбалот некогаш пишува романи. Како онаа приказна која што ја раскажаа стрелците на голови и едни од главните ѕвезди на гигантите Борусија Дортмунд и Јувентус, младите Карим Адејеми и Кенан Јилдиз.

Прославениот француски ас Ерик Кантона кој блескаше во дресот на Манчестер Јунајтед и на времето беше идол на многу млади, сега го кажува тоа што обичниот народ го мисли а не допира до политичарите.

Гоче не го забораваат во Италија. Беше гостин во студио по повод мечот од ЛШ меѓу Ајакс и Интер и му поставуваше прашања на својот поранешен соиграч, Кристијан Киву.

Само шест дена откако експлодираше на мечот против Ајнтрахт Франкфурт со две голчишта од слободен удар, Алекс Грималдо и продолжи во ист стил и во ЛШ. Даде моќен и неодбранлив гол на гостувањето во Копенхаген.

Маркус Рашфорд растури на гостувањето против Њукалс со два комада за победа на Барселона од 1:2. Тој е прв Англичанец во дресот на каталонците кој стрелал против англиски тим.

Манчестер Сити, Барселона, Спортинг и Ајнтрахт не дозволија потреси во третиот ден од првото коло во ЛШ. Работите за Наполитанците се искомплицираа на тешкото гостување. Ди Лоренцо во 21 минута доби црвен, а Конте од игра го повлече Де Брујн кој малку поигра против своите. Елиф Елмас влезе во 71-ва минута.

Во третата вечер од Лига на шампиони белгискиот претставник Клуб Бриж до врв ја наполни мрежата на гостите од Франција и ги испрати дома со четири комада. Баер Леверкузен едвај спаси бод во главниот град на Данска.

Холандски полицајци застануваат на партија фудбал и ја прават акцијата за која долго ќе се раскажува во маало.

Стоперот на Ливерпул има свој интересен начин на справување со противниците кога ќе му се падне да игра на еден. Ги гледа во очи, со цел да им ја прочита намерата. Објаснувањето е покрепено со пример од мечот против Барнли.

Триесет годишниот шпански репрезентативец, роден во Мадрид, Маркос Љоренте за малку ќе беше јунак на голем бод на Атлетико Мадрид против Ливерпул. На „Енфилд Роуд“ даде два гола и тоа беше повод шпанските новинари да прочепкаат нешто повеќе за него. Пред пар дена повторно зборувал за теории на заговор во кои верува.

Официјално и неофицијално, Сампдорија отсекогаш ги имала најубавите дресови на свет. Тоа ќе ви го потврди секој искрен љубител на фудбалот. Сега марката Макрон им извади трет дрес за новава сезона. А дизајнерите и видео едиторите направиле преубава приказна.

Светската фудбалска ѕвезда Килијан Мбапе го реши мечот на Реал Мадрид против Марсеј и со два гола од пенал му донесе три бода на „кралскиот клуб“. Пред натпреварот едно дете си ја проба среќата.

Трофејниот шпански тренер кој беше и селектор на Шпанија, Луис Енрике важи за иновативен тренер а последната негова замисла која ја преточи во дело би можела да биде револуционерна во фудбалот.

Вирџил Ван Дајк го извади Ливерпул во 92-ра, со гол вреден победа против Атлетико Мадрид од 3:2. Но без разлика на водството, мечот не е затворен, а Хуго Екитике промаши чиста прилика за да го затвори.

Триесет и осум годишниот легендарен француски голман Лорис кој во кариерата освои Светско првенств, Лига на нации, играше финале на Лига на шампиони и забележа преку 145 настапи за Франција, сега брани за Лос Анџелес. Таму игра и Сон од Тотенхем. Синоќа славеа 1-3 против Солт Лејк, Кореецот дал три гола за хет-трик а Лорис го одбранил најчудниот пенал во кариера.

Славија Прага и Бодо Глимт одиграа преубав натпревар и дебитантот во Лига на шампиони од Норвешка го освои првиот историски бод во најелитно друштво. Домаќините од Прага водеа со 2-0 со головите на Ел Хаџи Ембоџи во 23-та и 74-та минута. Гостите намалија прво во 78-ма минута па во 90-та постигнаа гол преку Сондре Брунштад Фет. На акцијата и претходеше чуден потег зошто судијата допушти еден играч на Бодо Глимт кој беше надвор за лекарски преглед, среде контра да влета на терен.

Уште вакви сцени немавме видено и тоа пред натпревар во Лига на шампиони. Фудбалерите на Монако вчера не успеаа да отпатуваа во Белгија на гостувањето во Бриж. Причините се апсурдни. Се појавија проблеми со климата во авионот, играчите се скуваа и се соблекуваа голи. Ќе летаат на ден на натпреварот, закажан за четврток од 18:45. Официјалната прес конференција е откажана. Бурлески.

Тиквеш го совлада Шкупи со 1:0 во 6. коло од македонската прва лига. Голманот на Шкупи Гроте доби црвен картон, што е малку за овој малоумен потег.

Ливерпул и Атлетико Мадрид го одиграа највозбудливиот и најнеизвесен натпревар во втората ноќ од првото коло во ЛШ. Робертсон и Салах го торпедираа тимот на Симеоне уште во 4` и 6` минута, но Љоренте им одговори со два комада. Мечот го реши Ван Дајк во судиско. ПСЖ, Баерн и Интер ги оправдаа фаворитските улоги.