На 29 декември (недела), во 14 часот во скопското кафуле Излет ќе се одржи промоција на хуманитарниот Твитер календар за 2014 година, чија цел е да се испрати позитивна порака за сексуалното здравје и образование. Сакајќи да им се помогне на маргинализираните заедници во општеството, 25 храбри, паметни и убави твитер мажи и жени се разголеа пред објективот на фотографката Ивана Батев.
Истовремено ќе биде одржана и продажна изложба на фотографиите кои ќе се наоѓаат на календарот и собраните средства ќе бидат насочени да се помогне на членовите од маргинализираните заедници во општеството.
Првото издание на Твитер календарот се случи лани, кога 12 твитерџики од Македонија заедно со двајца професионални фотографи го креираа календарот за да ја подигнат свеста за ракот на дојката.
