Бараме од Владата да најде механизми за сопирање на работата на Југохром сè додека не се постават филтри според бараните стандарди, притоа и да се има предвид како да се постапи со вработените во истиот комбинат.
Владата треба да ја преиспита одлуката за продолжување на рокот за работата на комбинатот Југохром кој на 3 јануари вклучи уште една печка. Секое дневно мерење на загаденоста на воздухот со ПМ10 субстанции (честички во воздухот) кај нас како мајки предизвикува голема загриженост и револт. Сека кога и дел од лекарите зборуваат за зголемена бројка на заболени, факт кој и ние го доживуваме, ни ја буди моралната обврска за да застанеме против овој сосема неморален чин кон секој граѓанин посебно кон нашата иднина, децата.
ОД Советот на граѓанското движење Мајка.
