Лани на игрици на мобилен биле потрошени 350 милиони долари. А игрците се главно бесплатни. Парите доаѓаат од купувањето виртуелни тракатанци поврзани со самата игра (ја играш Trade nations и имаш два бесплатни бунара, третиот се плаќа а ти некако посакуваш баш него да го имаш во селото).
Игриците доаѓаат од светот на социјалните мрежи (читај: Фесјбук) каде по таа основа се остварува сериозен приход од 2,9 милијарди долари.
Бројот на Фејсбук корисници кои се запознати со можноста да купуваат кредити (виртуелната валута на ФБ) е ист како лани - 63 проценти, но тоа не е лош показател бидејќи вкупната големина на стадото е сè поголема.
Истражување покажало дека сепак се работи за две различни публики - оние кои се заразуваат со ФБ игри се нешто постари и меѓу нив има повеќе жени.
Следен чекор веројатно е уфрлувањето на социјалните игрици во самите веб сајтови. Таков потег направи Zynga.com, сајт на кој можеш да бидеш поврзан со твоите ФБ пријатели и надвор од самата ФБ мрежа.
