За рекламата која оди на Си-би-ес и Ен-би-си околу 20:30 во неделата, е платено некаде меѓу 1,25 и 3 милиони долари само за емитување (снимање и други трошоци се башка).
Парите се сериозни, ама делумно се оправдани со траењето на видеото на Блумберг кој цели 3 минути си игра претседател во вонредна состојба.
Во клипот тој претседателски ги смирува граѓаните и ги објаснува своите следни чекори за справување со кризата, посебно нагласувајќи ја својата смиреност и експертиза (наспроти сегашниот жител на Белата куќа).
Блумберг до сега потроши блесава сума на сопствената кампања за добивање на претседателска кандидатура од демократите, и веќе ја надмина границата од 600 милиони долари. На овие пари, негов главен успех во досегашната кампања е што ги обедини сите демократски кандидати против себе.
