Точен одговор е под В, а гревот на производителот е што локалното млеко од бивол за производство на моцарела, го разредувал со поевтино увозно кравјо млеко. (Разликата меѓу двете е во вкусот, изгледот, густината, односот холестерол - масти и квалитетот, во корист на млекото од бивол.) Моцарелата во Италија е заштитена како производ, и мора да се произведува според доста конкретни стандарди и услови.
Освен криминалот со моцарелата, властите откриле и дека сирењето произведено во фабриката во близина на градот Казерта, содржело 20 пати повеќе бактерии од дозволеното. Меѓу уапсените се и двајца ветеринари кои работат во државната инспекција и кои ги предупредиле сопствениците на фабриката за претстојната инспекција.
Инаку целата истрага започнала кога еден работник изгубил неколку прсти на раката заради пропусти во безбедноста на работа во фабриката.
