Нивниот аргумент е дека продавници, ресторани и барови, веќе отворија низ земјата, додека борделите уште се држат под клуч и покрај тоа што проституцијата е легална во Германија.
Од Асоцијацијата на сексуални работнички, предупредуваат дека нивните членови неколку месеци се без приходи па дел од нив почнале да излегуваат на улица, што освен што е нелегално е и далеку поризично и нехигиенски.
За да се забрза отворањето на нивните „канцеларии“ тие препорачуваат употреба на мерки кои веќе се користат низ други индустрии, вклучително носење маски, вентилирање на собите и снимање на контактите на гостите.
„Кај проституцијата нема ништо поголем ризик од инфекција отколку од кој било друг сервис со блиски телесни контакти, како масажи, козметичари па дури и танцување или контакт спортови.
Хигиената секако е дел од овој бизнис,“ порачуваат од Асоцијацијата.
