Феноменалните 16 одбрани на Даниел Дупљачанец и 11-те голови на Јанко Божовиќ не беа доволни за Металург да се врати со „златна“ победа од Данска, каде водеше тешка и неизвесна битка против Скејрн за врвот на табелата.
Натпреварот беше решен во последната секунда во која среќата беше на страната на домаќините кои славеа со 20:19 и сега се осамени на првата позиција во групата Д со 6 бодови.
Металург на почеток тргна лошо и во грч, но по негативата од 3:1, успеа да се избори за пресврт благодарение на Божовиќ кој одигра фантастична партија. Избраниците на Лино Червар имаа водство од +3, а испуштија прилика и за водство од +4. На пауза заминаа со предност од 8:10.
Лош старт Металурзите имаа и и во вториот дел, а потоа со голот на Костески ја вратија предноста од три гола разлика. Клучен момент за пресвртот на Скејрн беше кризата на Металург од 10 минути без постигнат гол.
Данците на 3 минути до крајот водеа со 19:17, но извонредниот Божовиќ даде два гола за израмнување и голема неизвесност во финишот. Во последните пет секунди Маџовски беше исклучен, а Јоргенсен погоди во самиот финиш.
Со две победи и два порази Металург е на делба на втората и третата позиција заедно со Мотор Запорожје. Во следното коло на 18 октовмри му гостува на романскиот претставник Баиа Маре.
Решавачкиот погодок на средбата
