И покрај петте гола на мечот и пресвртот на Тотенхем, кој во рок од 5 минути даде два гола, а на крај на прво поведе и со 1:3, сепак средбата ја одбележа една потресна сцена која се случи на трибините.
Во 40-та минута мечот беше прекинат откако навивач на Њукасл колабирал. Додека сите во негова близина молеа за помош на Источната трибина, реагираа и фудбалерите.
Најбрза реакција имаше од Серхио Регулион и Ерик Дајер. Првиот му сугерираше на судијата да го прекине мечот покажувајќи му со прст што се случува, а вториот трчаше и барале веднаш да му однесат дефибрилатор.
Лекарот на Њукасл се стрча и му подаде помош за кислород на еден од редарите, а потоа имаше аплаузи.
„Слушнавме како навивачите викаат и видов како еден човек лежи на трибината. Му се приближив на судијата и му реков дека мора да го прекинеме мечот. Ми кажаа дека човекот е во ред. Тоа е најважно, поважно од било што денеска“, изјави Регилон.
„Дајер и Регулион реагираа инстинктивно и за среќа многу брзо. Секоја чест и за нив и за судијата. Одлуката за прекин на мечот е правилна. Ништо не е поважно од човечки живот“, рече тренерот на Тотенхем, Нуно Еспирито Сантос.
Серхио Регулион и Ерик Дајер се прогласени за играчи на натпреварот.
Huge respect to Sergio Reguilón and Eric Dier for their quick and decisive actions at St James' Park today ❤️👏 pic.twitter.com/z2fNW3wwn2
— Soccer AM (@SoccerAM) October 17, 2021
А од Њукасл информираа на Твитер дека навивачот е во стабилна состојба.
#NUFC can confirm that a supporter who required emergency medical treatment during today's game at St. James’ Park is stable and responsive in hospital. 🙏
— Newcastle United FC (@NUFC) October 17, 2021
