Со сигурност најголема НБА суперѕвезда во последните дваесетина години, Леброн Џејмс, одново упати пофални зборови на сметка на актуелниот МВП на лигата Никола Јокиќ.

Далас Маверикс ја крена формата таман на време, пред стартот на разигрување во НБА лигата. Ги чека голем ривал, ЛА Клиперс кој има по имиња најдобар состав во цела лига. Првиот дуел е во недела од 21:30 по Средноевропско време. Во меѓувреме Лука Дончиќ ги спрема Ирвинг и другите со балканска музика.

Шампионот Денвер Нагетс во недела го очекува првиот натпревар од плејофот против ЛА Лејкерс. Минатата сезона Денвер го совлада Лејкерс со 4-0 во серијата но сите четири меча беа тесни и далеку од лесни за Јокиќ и другарите. Никола ги собрал соиграчите дома кај него пред некоја вечер.

Прекрасна атмосфера во финалето на кошаркарскиот Куп на Сирија кое го добил Ал Ахли од Алепо против Ал Вахда 80:63. За земја која што со децении е истормозена од граѓански војни, терористички напади и закани од соседните земји, ова е преубав спортски настан во права смисла на зборот.

Далас Маверикс одигра супер регуларна сезона и со 50 триумфи и 23 порази како петтопласирана екипа се пласираше во плејофот. А таму ги чека тежок ривал - ЛА Клиперс од недела вечер. Во регуларниот дел од сезоната тандемот Дончиќ-Ирвинг покажа дека може со секого и секаде.

Во таканаречениот НБА плеј-ин, разигрување меѓу екипите од 7-мо до 10-то место на табелата, Сакраменто Кингс го совлада Голден Стејт Вориорс 118:94 и по трет пат ги остави „воините“ без плејоф во последните пет сезони. Лејкерс се справи со Њу Орлеанс Пеликанс.

Соединетите Американски Држави се апсолутен фаворит за олимписко злато во кошарка на Игрите во Париз летово. Ако на Светски првенства доаѓаа во шарен состав и си дозволуваа разни срамни порази, Олимписките Игри традиционално ги играат во најсилен можен состав.

Дваесет и две годишниот Србин Алексеј Покушевски кој игра за Шарлот Хорнетс во НБА лигата, синоќа одиграл 20-ина минути на мечот против Кливленд Кавалирс кој неговиот тим го доби 120:110 и имаше една необична ситуација. Изведуваше аут и му ја додаде на судијата кого го помеша со свој соиграч. На крајот Покушевски постигна 8 поени со пет скока и три асистенции.

По нецели две сезони во кои оствари два клупски рекорди и беше прогласен за тренер на годината, рускиот кошаркарски гигант одлучи да се раздели со нашиот најдобар кошаркарски стратег. Ќе го замени Грк.

Во НБА лигата заврши регуларниот дел од сезоната, се одиграа 82 меча и сега на програмата следи разигрувањето. Последното коло некои екипи го дочекаа растеретено па пуштија резервни играчи да добијат малку поголема минутажа. Така Бобан Марјановиќ конечно заигра подолго време за Хјустон Рокетс и имаше две комични ситуации.

Првиот човек на мак баскетот и единствен наш претставник во НБА лигата, направи убава тура во САД. Ја посети Атланта Хокс, каде играше во периодот 2013-2015, се виде со Богдан Богдановиќ со кој славеа европска титула во Фенербахче, а замина и кај Никола Јокиќ за да го следи во живо последниот негов меч од регуларниот дел во сезоната против Мемфис на кој Денвер славеше.

Само 674 натпревари му беа потребни на Јокиќ за да стане втор најдобар центар со 4.662 асистенции во НБА лигата. Пред неколку дена го мина Вилт Чемберлен кој има 4.643, ама на 1.045 натпревари. Прв е Карим Абдул Џабар со 5.660 остварени на 1.560 меча. Краток ама феноменален клип со сличности на двајца кошаркарски мозоци од две различни ери.

Македонскиот дуел во рускиот кошаркарски шампионат му припадна на Ненад Димитријевиќ кој блесна против ЦСКА Москва предводена од Емил Рајковиќ. Му се насмевнува МВП признанието.

На последниот меч од Евролигата против Валенсија, навивачите на Партизан непотребно се вратија во минатото и ги навредија Тони Кукоч и Дино Раѓа, кои пак две недели претходно беа топло примени во Штарк арената во Белград. На што всушност мислеа со паролата?

На само еден натпревар до завршувањето на регуларниот дел од сезоната, Денвер Нагетс неочекувано загуби од претпоследниот Сан Антонио и ја загуби челната позиција во Западот.

Убав лаф муабет во еден подкаст. Шек прашува прво како е можно Бен Симонс да зема 40, 50, 80 милиони долари со едвај 55 одигран меча во сезоната и му препорачува да мачка некоја маст на грбот. А за другиот за кој сигурно би платил карта вели дека е потпретседателот на здружението на најдобри центри во историја.

Во кошаркарска Евролига вечерва и утревечер се игра последното коло пред почетокот на разигрувањето. На социјалните мрежи администраторите од Евролига дадоа избор за гласање во која сала има најдобра атмосфера.

Баталете вие Ол стар викенд. Цела сезона во НБА е веќе како Ол стар викенд. Брендон Милер сака да ви покаже нешто, 21 годишниот член на Шарлот кој беше избран лани како втор пик на драфтот. Страшен потег, еден од најјаките оваа сезона.

Само една ноќ откако лекција по кошарка држеше Лука Дончиќ, веднаш по него на ред дојде Никола Јокиќ. Речиси на секој натпревар стигнуваат по некое ново импресивно остварување.

На мечот меѓу Чикаго и Њу Орлеанс, двајца играчи на Булси се погрижија да ја видиме комедијата број 1 оваа сезона во НБА. Тројца тргнаа на контра. Топката ја има Тори Крег, а тој зад него талентот е Андре Драмонд.

Претседателот на Кошаркарската федерација на Македонија е за сега првиот Македонец кој заиграл во НБА лигата. Го носеше дресот на Атланта Хокс две сезони (2013-2015), а синоќа им беше во посета. Го следеше мечот Атланта - Мајами, а даде и интервју на кое водителот го испофали како еден од играчите кои ќе останат доживотен бренд на Атланта.

Го оперираше коленото и паузираше 29 натпревари, но тоа не значи дека заборавил да игра кошарка. Зборуваме за МВП-то од регуларниот дел на минатата сезона кој со 37 поени, 11 скока и 8 асистенции и донесе победа на Филаделфија на дуелот со Детроит. Погледнете го каков кош успеа да извади. Ги збуни сите.

На три меча до крајот на регуларниот дел од сезоната, Далас Маверикс го обезбеди пласманот во плејофот. Поинаку и не се очекуваше со ваков Лука Дончиќ.

На НБА ѕвездата и соиграч на Лука Дончиќ не му текна име на некоја српска песна, ама па научил каков е редот на нашиве простори кога се излегува навечер.