Чуварот број 1 на Македонија викендов целосно го заслужи вниманието кај шпанските медиумите и статистичарите откако повторно имаше блескава партија против фаворитот Барселона.
Но тука не завршија пофалбите за него. 365Scores го состави тимот на колото со играчите од топ 5 лигите во Европа, а на голот го стави токму наш Столе.
Рајо Ваљекано со реми против Барселона на гости ја отвори новата сезона, а најзаслужен за тоа беше Димитриевски кој ги скроти сите удари на каталонците.
Со овие 0:0, Рајо влезе во серија од три меча по ред без примен гол од Барса откако минатата сезона ги добија два пати со по 1:0, а нашиот голман е прв во последните 50 години кој останал несовладан на две гостувања по ред на Камп Ноу.
„Бајка на Македонецот. На три меча по ред не прими гол од Барса и со 10 одбрани исмеја 153 милиони евра“, напиша српски Блиц.
Димитриевски сосема заслужено беше прогласен и за МВП на мечот.
Quite a team, huh? 😁#BestXI #TOTW #Dimitrievski #James #Pavard #Mee #Alaba #DeBruyne #KDB #Jensen #JoaoFelix #Felix #Neymar #Ney #NeymarJr #NeyJr #GabrielJesus #Jesus #Vlahovic #365Scores pic.twitter.com/rJXumADCrp
— 365Scores (@365Scores) August 16, 2022
