А бајката се однесува на Алфонсо Дејвис, импресивен пример за тоа на какво ниво може да се игра фудбал на негови години. Малиот едноставно е струја и екстра вредно дете кое вреди злато да го имаш во тим.
Минатата сезона доби само 6, но оваа 26 шанси на сите натпреварувања за Баерн. Синоќа беше неприкосновен со борбеноста и интервенциите во одбрана, а она што боде очи кај него е брзината, како да се работи за спринтер на тартанот.
Само кусо потсетување дека Дејвис испиша историја како прв играч во МЛС лигата роден 2000-та, а таму заигра на само 15 години за Ванкувер. Потоа Баерн го плати 22 милиони долари, а тоа беше рекорден трансфер во американскиот прволигашки фудбал.
Alphonso Davies’ parents fled Liberia in the civil war. He was born in a refugee camp in Ghana and moved to Canada when he was 5. Here he is playing beautifully for @FCBayernEN at 19. What a wonderful story.
— Gary Lineker (@GaryLineker) February 25, 2020
Гази и на бековска и на крилна позиција, а на неговото минато потсети Гери Линекер. И за да не речете дека го фалиме само преку текст, еве неколку примери за тие кои синоќа не ја гледаа Челси – Баерн.
Се врати во одбрана и на Мејсон Маунт му се постави како Малдини.
Слична таква ситуација имаше и во второ.
Го има и во напад и тоа со асистенција до Левандовски.
Навивачите на Баерн му скандираа, а тој се срамеше да ги поздрави, па мораше Левандовски да го поттурне.
