Само два дена по епскиот хет-трик од автоголови, дело на репрезентативка на Нов Зеланд, налетуваме на ваков слободен удар. Ќе си пукнеме од мака што нема никогаш да дознаеме што ќе се случеше ако шутнеше и трет пат.
Без разлика што се работи за трета лига, ова треба да е најлошиот фудбалски терен во историјата кој некогаш се појавил на интернет. Кога веќе има судии, главното прашање е зошто воопшто почнале да играат? Па диви свињи не би стапнале овде.
Во женскиот фудбал во Шведска, судија се надмина себе си во критериумите за тоа што е пенал. Одлуката е нереална и ова е срамота и на ВАР да се прегледува. Го досуди за градење топка.
Женската фудбалска репрезентација на САД која важеше за голем фаворит за златото на Олимпијадата во Токио, на крајот ќе се задоволи со бронзениот медал откако претпладнево ја совладаа Австралија сo 4-3.
Девојките на САД одиграа маестрална акција во шест потези од кои пет на прва. Фудбалски од почеток до крај, па уште и со издриблан голман. Линискиот судија ептен ја утна на крај.
Барселона ја слави двојната круна. Титула во првенство и трофеј во ЛШ каде го совладаа Челси со 4:0. Синоќа ја заокружија сезоната со висок триумф од 8:0 против Атлетик Билбао, а потегот на мечот и сезоната го има Џенифер Хермозо. Во машки фудбал немало вакво орање.
Пред почетокот на мечот меѓу Нојленгбах и Сент Пелтен во австриската женска Бундеслига, а во чест на најголемиот христијански празник кој католичкиот свет го празнуваше викендов, судијката за да одреди кој ќе бира топка или гол им подели велигденски фарбани јајца.
На средината од октомври, на мечот меѓу ЖФК Каменица Саса и Шкендија кој заврши 6:1, Ана Димитровска постигна еврогол, во стилот на Златан Ибрахимовиќ и заслужено овој погодок е прогласен за најубав во женскиот фудбал.
Аманда Рантанен е веројатно единствената женска која даде гол, не со нога, глава, колено или стомак, туку со нос. И тоа јакото е што оваа чудесија и успеа на 0:0 во 95-та за конечни Шкотска - Финска 0:1. Не можеш ова да го изрежираш и да сакаш.
Девојкава има толку сенс за фудбал што комотно би можела да им држи лекции на многу преплатени фудбалски ѕвезди. И внатрешна, и надворешна и фелш и дриблинг, комплетна надареност.
Да бидеме искрени, сме гледале машки деца на оваа возраст што прават чуда со топката, имаат вроден талент и милина е да ги гледаш. Ама девојче со ваква дарба за фудбал стварно не паметиме дека сме виделе.
Лекарските екипи според правилата мора да добијат дозвола од главниот судија за да истрчаат на теренот и да дадат помош на повреден играч. Ама една судијка во Шпанија малку се занесе па се размавта со црвениот картон додека на тревник лежеше повредена фудбалерка.
Најсекси дриблинг еден на еден. Најнепредвидливите движења еден на еден. Најјакото мешање еден на еден и сè нај нај нај. Ја поништи без да ја пипне топката. Каква царица.
Ги имаме Снајдер и Ван Перси, ама во женска верзија со една хируршки прецизна комбинација која не се гледа така често во женски фудбал. Секоја чест и за двете. Шах - мат им направија.
Видеово е старо од 2010-та, ама епско за азискиот фудбал и младинските мундијали. Ја имаме Куми Јокохама од Јапонија на која се обидува да и ја земе пола селекција на Северна Кореја. Се работи за светско првенство за фудбалерки до 17 години. Ги изора како нива.
Се вика Аманда Венансио и неколку сезони играше за женскиот футсал клуб Ботафого. Толку дриблинзи има што и машките колеги треба да учат од неа некоја финта. Ко на пример оваа.
Венди Ренар е една од најдобрите француски фудбалерки на Светското првенство за жени кое се игра во оваа земја. Игра на позицијата стопер и ја викаат француски Ван Дајк поради тоа што личи на Холанѓанецот и игра на негова позиција. Но на мечот со Норвешка во 54’ минута направи нешто како да е француски Дејан Ловрен.
За време на меч меѓу Швајцарија и Русија, од елитната рунда на Европското првенство за фудбалерки до 17 години, се степаа капитенката на Швајцарија Ела Љустина (инаку Русинка по потекло) и капитенката на Русија Памен Чато. И двете со право беа исклучени а на крајот Швајцарките победиле со 4:2.
Во Билбао, главниот град на автономната покраина Баскија фудбалот е религија. Сме пишувале како за нивниот миленик Атлетик играат само домашни играчи, родени во Баскија. Синоќа на меч од шпанскиот куп во женска конкуренција (Куп на кралицата) меѓу Атлетик Билбао и Атлетико Мадрид имало 48.121 гледач! На женски фудбал, да.