Неколку дена по отворањето на Уметничкото биенале во Венеција, на плоштадот во главниот град се распостелува див тезгаџија што вади 9 уметнички слики за да ги продава. За некое време доаѓа полиција и го пакува човекот затоа што е без дозвола. Не се знае дали продал нешто. Од вчера се знае дека е Банкси.

На годинешново издание на Венецијанското биенале главната награда за најдобар павиљон ја однесе Литванија. Перформансот кој се одвиваше во него беше на тема која звучи (пре)ангажирано. Но суптилниот пристап со доза на хумор и цинизам беше она што направи впечаток.

Швајцарско-исландскиот уметник, Кристоф Бушел, доаѓа до потонат рибарски брод, го мкне до Венеција и го изложува на годишното биенале. Што баш тој брод? Ова е истиот рибарски брод кој во 2015-та потона заедно со 800 мигранти тргнати од Либија кон Европа.

Вистински тунел е, само што не е ископан баш помеѓу двете држави, туку помеѓу нивните павиљони на Венецијанското биенале, кое почнува денес, 11 мај.