Ја имаме Барселона од Камп Ноу од времето на Пеп или ова, како сакате, претворена во НБА тимот на Сакраменто Кингс. Толку ја одолговлекоа, што се подзамисли и коментаторот, ама па атракција во НБА не мора секогаш да содржи цепелин или тројка во последна секунда.

Не е битно кои се момциве, на какво игралиште играат од кое се гледаат згради и мост, туку битна е хемијата која ги краси. Обично ги пцујат ваквите кои изведуваат слободен удар во напад, а потоа топката ја враќаат назад, ама оди замери им нешто да те видам. Маестрално одиграно од почеток до крај.

Јохан Кројф остави еден аманет во Барселона, а тоа оваа фудбалска институција никогаш да не откажува од пас играта која се разви во тики-така. Меси, Иниеста и Чави не се единствените кои ги добија овие лекции како мали. На тоа се работи и сега и затоа ќе вадат јаки играчи.

Нема послатко од тоа клубот против вечниот ривал да ти води убедливо и истовремено да го работи како сака и колку сака. А ти си гледаш, си снимаш и се ситиш, па уште го фаќаш на мобилен и голот за 5:1. Кој знае колку им е убаво кога го прават ова.

Вилшер, Жиру и Казорла се творците на еден од најубавите голови во историјата на Арсенал кој требаше да им се препише и на тројцата. Не поради атрактивноста на голот, туку по акцијата во која со цик цак додавања, одбраната на Норич ја изработија ко бавча. Вакво нешто се стрефува еднаш на 10 години, а нив им се случи пред точно пет.

Си замина Чави, па си замина Иниеста, ама системот останува ист. Имаме видео од 22 додавања по ред во 60 секунди со егзекуција на крај. И тоа беспрекорнава акција ја прават на мечот против ПСВ при резултат 3:0 во 87-ма минута. Каква професионалност и дисциплина, не губат топка ниту на решен меч.

Секоја чест и капа доле за освоените ЕП 2008, СП 2010 и ЕП 2012, ама сега сме 2018-та, фудбалот оди напред, технологијата исто и сите јеботе научија да играат фудбал и Мароко и Иран и Јужна Кореја. Не ви проаѓа повеќе тоа на ти ја, дај ми ја и со се топка во гол, кога до пенали стигнавте со помош на автогол.

Миланскиот клуб после долго време е прв на табелата а најголеми заслуги за тоа има тренерот Лучано Спалети кој конечно ги намести сите коцки кај „Нераѕурите“. Синоќа ја победија Сампдорија 3:2, а вториот гол на Мауро Икарди беше после акција ала-Барселона.

Иако противникот се вика Бартон, а натпреварувањето Лига Куп, сепак тоа што е убаво за око е убаво, па нека им служи како еден вид воигрување за со појаки екипи. Акцијата ја красеа брзи, точни и прецизни додавања, по некоја финта на Марсијал и завршница на Џеси Лингард. Инаку Јунајтед славеше со 4:1.

Двојното проигрување и мајсторијата со жонглирање не е дело на Меси - Суарез, Нејмар - Мбапе или Игуаин - Дибала, туку на за нас анонимни играчи од Кувајт. Ма браво, лупајте на најавна шпица.

Старите навики велат дека ова е игра типична за Барселона, но Реал Мадрид низ годиниве градеше тим, често менуваше тренери, созреа и со помош на Зидан создаде идентитет и направи извонредна серија на трофеи. Викендов против Ла Коруња на еден од трите гола им претходеа 44 додавања без Роналдо. Ова е игра за почит.

Барса игра тики-така по земја, а Реал се обидува на прва без да тапне. Крос - Бензема - Марсело - Бензема - Бејл. Така се движеше ова велелепно движење на топката против Манчестер Јунајтед на Интернационалниот Куп во САД:

Со ремонт од десетина засилувања на кои навивачите чекаа последниве години и тоа на време уште пред да почнат подготовките за новата сезона во Серија А, Карло Анчелоти доби лекција од неговиот поранешен клуб и загуби 4:0 на пријателска. На последниот гол ги изработија како бавча и тоа буквално од почетокот на нивната половина. Се враќа ли стариот добар Милан?

Ел Класико, 2012-та кога Барселона везеше (не дека сега не везе) и по една освоена топка успеа целосно да ги зашемети фудбалерите на Реал Мадрид. Друг клуб ова не го може, особено не против Реал. 

Меси има 555 меча за Барса, Дани Алвеш 391. Меси има 29 трофеи, Дани Алвеш 23. Ги гледаш и си викаш: Па што повеќе од ова.

Ако некој во Каталонија остана без идеја како понатаму со тики-така играта, еве му инспирација од англискиот второлигаш.

Бескрајните пасови на Каталонците кои рушат екипи со 4:0 и кога не бркаат ништо, ги уриваат параметрите кои водат статистика. Се додека тоа им носи резултат, никој нема право да рече дека таква уметност може да биде досадна.

Што сè му претходеше на третиот гол на Шпанија против Турција. Најсвеж пример на тики така играта. Оди па земи им ја.

„Фудбалот го сведоа на резултат, како што се обидуваат љубовта да ја сведат на оргазам“, вели аргентинскиот тренер Анхел Капа којшто во една футуристичка колумна стара 22 години го најавил терминот тики така кој потсеќа на играта на Барселона и Шпанија.

Акцијава оди вака: 8 додавања од кои 7 на прва и гол. Толку. Ама оди напрај го ова да те видам.

Ич да не ве чуди тоа што Реал прими четири овој викенд на Бернабеу. Гостин им беше екипата која го игра најубавиот фудбал во последниве 10 години. Е како? Е така, фул скрин и звучките малку појако. Нас ни беше малку еднаш, па отидовме на рипит.

Романската тики-така на фудбалерите на Виторул одеше побавно од тоа што сме навикнати, но со завршницата и победата од 5:1 на гостувањето против Динамо Букурешт кажаа што имаат да кажат.

Барселона ја игра речиси на секој меч, а од неа ја научија многу спортски колективи кои да му е мерак на човек да ги гледа како ја работат пред гол. Мајстори овој пат се фудбалерите на Тајланд кои славеа 3:0 на гостувањето во Виетнам на квалификациски меч за СП 2018.

Минатата сабота во украинската Премиер лига, Металург Запорожје загуби 1-4 од Днипро, но единствениот гол кој го дадоа домаќините вредеше колку сите 4 на гостите.