Барем така пејат илјадници Бразилци допатувани во Филаделфија каде вечерва по наше време после полноќ во 2:30 ќе играат против дебитантот Хаити. Кариоките во прво коло одиграа само 1-1 против Мароко и сега се под морање. Со победа и три бода ќе се пласираат во следна фаза. Во 3. коло против Шкотска ќе играат во Мајами, градот со најголема бразилска заедница во цел САД. Замислете што ќе биде таму.

Со 4 нерешени во еден ист ден што е практично реткост за натпревари од Светско првентство заврши синоќешната програма на Мундијалот. Најголемо изненадување беше ремито без голови меѓу европскиот шампион Шпанија и дебитантот кој првпат игра на Светско - Зеленортски острови.