Германците годинава едвај дочекаа да почне Октоберфест кој заради ковидот две години беше под блокада. Иако пивото и месото гарантирано им се свежи, музичката плејлиста многу наликува како да не е апдејтувана од пред пандемијата.
За да ви биде појасен подвигот на келнерките на Октоберфест што мкнат по десет криглишта од по литар и пол, треба да видите како мажишта се снаоѓаат со по една кригла со слична литража (или па пробајте сами).
Годишниот аџилак на милиони луѓе од пивска вероисповест е и еден од настаните кои најмногу загадуваат на планетава, без притоа да се брои кој како стигнал до таму.
Се вика Оливер Струмпфел и минатата недела го сруши рекорд во носење кригли, што сам го постави во 2014. По ново, рекордот е 29 полни кригли со вкупна тежина - 69 килограми.
Надвор од вообичаените принципи за смислување режим на исхрана кој ќе ја намали тежината, човек од Минесота сосема елегантно си ја поправа линијата така што секој октомври е исклучиво на пиво и кобасици.
