Африка не е голема, Африка со површина поголема од Кина, Индија, САД и најголемиот дел од Европа заедно, е најголема. Ама тоа упорно не изгледа така.

По логика „Слога тепа Вардар, Вардар тепа Ѕвезда, Слога шампион“ и методологија строго насочена во наша полза, доаѓаме до крајно ненаучен заклучок дека - чварка, сланина, ребра, кајмак и слично, само можат да те слабеат. Според мапата на дебели луѓе во Европа, Србија како колевка на кајмакот и престолнина на чварките, во својата популација има понизок процент на претерано дебели луѓе отколку Македонија во чија кујна преовладува зеленчук, ајвар, грав и сличен арсенал. Меѓутоа и двете држави имаат помал број дебели отколку една од основоположничките на Медитеранската диета - Грција.

За тие што не знаат, Страва е една крајно лагодна и корисна фитнес апликација за мерење колку кардио (трчање, точак, планинарење...) си направил. Меѓу останатото на профилот што го води за тебе ти покажува мапа од секој твој „подвиг“. И сето ова е интересно, добро и корисно исклучиво ако не си војник кој решил да користи Страва додека прави кардио во воена база за која никој не знае дека постои, а не па каде се наоѓа и каков и е ГУП-от.

Проблемот со претставување на планета што е 3Д врз мапа која е дводимензионална во 1569-та го решава белгискиот географ Герхард Меркатор. Решението со вика Проекцијата на Меркатор, врши работа само за навигација и комплетно ја има изветоперено нашата перцепција за тоа која земја колкава е. Сајтот Тhetruesize прави корекција на оваа илузија, и ништо не е исто.

До 1930, на местото каде на оваа мапа се наоѓа гратчето Аглое, помеѓу Роско и Рокленд, немало ништо - само правлив пат. Токму затоа што ретко кој минувал по него, тоа станало идеално место за лоцирање на картографска „стапица".

16 уметници, писатели и мислители прават исто толку мапи. Секој од нив го истражува концептот на мапирање, низ процес кој на крајот станува лична картографија. А таа е многу повеќе отколку графичко одбележување на физичка територија.

Во 2011, Кејт МекЛин, дизајнер и картограф, како тогашна студентка по уметност, почнала да се занимава со сетилните аспекти на урбаното доживување. Прв проект ѝ бил „сензорната" мапа на градот во кој студирала, Единбург. Следеле мирисни мапи на уште пет градови, меѓу кои Њујорк, Амстердам и Париз.

Задача: имаш мапи за да покажеш нешто што нема врска со мапи. На крај, тоа вака изгледа: