Оригиналниот успех на Џокер беше што студиото успеа да го сними „за само“ 55 милиони долари, подвиг кој одамна се нема случено во Холивуд. Сè понатаму им е ќар.

Ако до сега Дизни беше застрашувачки колку пари прави од филмовите (а и троши на нив), во 2019 неговата доминација достигна ниво „без преседан“.

На 11 дена откако почна да се прикажува во кината низ светот, Авенџерс ја мина границата од 2.000.000.000 долари (со букви: две милијарди долари). И ова му нема успеано на ниту еден друг филм во историјата. Па и ретко на што друго му успеало да заработи 2 милијарди на 11 дена по пуштање во оптек.

Стварно не знаеме како, ама видеово од почетокот на продажбата на влезници во кино во Бангладеш многу објаснува.

Прост пазарски есап колку пари има дадено Марвел за снимање филм, и колку пари има наплатено. Притоа ова се само пари заработени од кино влезници, значи без играчки, облека, тв права, видео игри, лиценцирање на ликовите и што и да е друго од што вадат пари. И како котира Марвел меѓу филмовите со најголема заработувачка.

Холивуд би бил повеќе од среќен кога би можел да му направи комплетен римејк на летото, кое по нивните бројки завршило ужасно лошо.