„На денот на мојот роденден, 2 март 2011-та Чо Бен Хуат ми донесе 250-300.000 евра, пари кој ги прати Тан Сет Енг. Други 300.000 евра ми донесоа двајца Унгарци во хотел во Лече за мечот Лече – Лацио“, изјави Македонецот кој сам им се предаде на италијанските власти.

Поранешниот фудбалер на Милан кој важеше за голем борец и кој често пати ги добиваше жестоките дуели на теренот, најавува дека ќе биде победник и во оваа битка и ги отфрла сите обвинувања дека местел натпревари.

Натпреварите Лацио – Џенова и Лече – Лацио за кои постојано се пишуваше дека завршиле нерегуларно, конечно ќе добијат епилог. Италијанската фудбалска федерација ги објави имињата на фудбалерите кои се очекува да бидат казнети, а меѓу нив е и капитенот на Лацио.

Долгата истрага за големиот скандал со местење натпревари во Италија која се води во обвинителството во Кремона, постојано открива нови детали околу плановите на балканската врска која оперираше во италијанските лиги во корист на шефот од Сингапур, Дан Тан.