Ако има поука од видеово тоа е дека тоа „хармоникашката фаца“ сама ќе ти се појави кога ќе ја фатиш дугметарата без разлика дали си ја свирел Feel good inc. или Влајна.

„Џентлмен е оној што знае да свири хармоника, ама не свири". Вака гласеше антологиската дефиниција на Том Вејтс. Но тој заборавил една работа, дека хармоникашот може да биде и - жена.

Освен во крајпуташките балкански крчми каде што сè уште жилаво се држи, хармониката е во дефанзива уште од раните 60-ти години на минатиот век, кога ја убија Битлси и слични дрогераши со гитари. Но, во последно време повторно станува кул, а влегува и во рокенрол халата на славните.  

Една необична работилница за поправка на хармоники на Тајмс Сквер, и Либертанго на Галијано, кој утре настапува во Охрид, во предворјето на Св. Софија. Двајца маjстори, за и на хармоника.