Што ќе ти се авионски карти и резервации за Бока - Ривер на „Бомбонера“, отиди до спортската сала во Гевгелија да видиш што е Дале Кавезе со блех музика.

Денес кај нас пак пукнаа димни бомби и солзавец доле на Гевгелија. Жив жал, и за дечињата што се наголтаа отрови, жив жал и за полицајците распоредени, а најповеќе за оние кои веќе недела дена се чуваат во кампови и на отворено како жигосани. Тие не се никои други туку оние кои делат иста судбина како малата нобеловка. 

Мене Тито и учителката ме научија да бидам хумана и да го сакам светот и луѓето. А тебе?

Мигранти мои, сите ве сакам и ви посакувам мирен живот каков што заслужувате. И вие, и вашите дечиња со црни очи, поцрни од вашата раселена судбина.

Сељам алекум. Алекум сељам

Оние кои го следат Букбокс знаат за нашата желба за промовирање на измислени, но и подзаборавени а прекрасни зборови од нашите дијалекти. Затоа уште на невидено го поздравивме излегувањето на лексиконот-збирка зборови од гевгелискиот, кој нам од „северот" ни звучи токму како странски.