И во 1.500 натпревари, Сер Алекс Фергусон е подобар според процентот на победи (59,7) од сите негови наследници, ако го исклучиме Карик кој ги водеше на само три меча. Но со него безпредметно е да се прават споредби бидејќи создаде респектабилен тим со страшни фудбалери во кој секој гледаше со страв и почит. Бренд и гигант со 38 трофеи.

Видеото се гледа до крај за да сфатите за кој Ерик станува збор.

Ќе речеш Карабао Куп, помалку вреден од ФА купот како најстаро натпреварување и неспоредлив со титула во Премиер лига, но сепак погледнете ги овие среќни лица на Лисандро Мартинез, Ентони и Тен Хаг. Како деца се радуваа на трофејот. Скоро 6 години Манчестер Јунајтед немаше освоено ништо.

Кога играч ќе ти каже дека не те почитува, а ти си тренер задолжен за добра атмосфера во тимот и резултати, тогаш нема зошто повеќе да го играш, па макар бил и Свети Роналдо.

Кристијано Роналдо го напушти Олд Трафорд на мечот против Тотенхем пред судијата да свирне крај и ја одлежа суспензијата против Челси. Се појави видео од моментот кога пред тој недисциплиран потег, прави уште еден, а тоа е моментот кога се става над тренерот и му гестикулира со прстот дека не планира да влегува во игра. Стратегот на Манчестер го повика да влезе во последните минути од средбата која ја добија со 2:0.

52 годишниот Ерик Тен Хаг кој од 2017-та успешно го води Ајакс, од сезоната 2022/2023 стартува со нов предизвик наречен Манчестер Јунајтед. Навивачите се нестрпливи и веќе почнаа да му пејат.

Кој и да го освои сезонава трофејот во Лига на шампиони ќе бидат живи радости за тренерот, бидејќи никој од нив до сега не успеал во тоа, а најблиску бил Јирген Клоп. Последен пат се случило вакво нешто со Порто на Мурињо.

Како непишано правило, за да бидеш добар тренер не мора да значи дека мора да имаш и блескава играчка кариера. Напротив, голем дел од врвните стратези, во младоста биле во сенка на нивните попознати соиграчи. Таков е и Ерик Тен Хаг.