По републиканската конвенција демократите имаа прилично лесна задача и се што требаше е нивната конвенција да не изгледа како природна катастрофа, ама им се случи скандалот со мејловите, па ја изгубија целата предноста што ја имаа, така да почнуваат од исто.

Без подлабоко навлегување во интимата, запознавањето ќе се сведе на читање пошта од фановите на Оливер, која заради актуелните навики на сè што сака да каже нешто се сведува на интернет коментари. Во конкретниов случај, најлошата можна форма на интернет коментари - Јутјуб коментари.

Обраќањето првично е до американската публика, ама доживувањето е чисто британско: "Обединето Кралство, место чие име по овонеделните настани почнува да звучи малку саркастично."

Почнува со "Британија, родното место на Битлси, а сепак Ринго Стар на светот," па натаму станува само посериозно како за сегашните последици пред Брегзит (минатата недела беше убиена пратеничка, која според нејзиниот убиец била предавник затоа што се залагала против излегување од ЕУ), така и за земјата вон ЕУ, која и како аутсјадер пак ќе мора да се води голем број правила од Брисел.

Како дел од сегментот за долговите во САД и што и како се прави со нив, Оливер основа компанија за купување на долгови и почнува да ја работи. Конкретната транша се однесува на долгови направени од болничко лекување, а компанијата за 60.000 долари купува долг од речиси 15 милиони долари.

Еден од најуникатните изборни системи влече опашки од време кога било попаметно да не се остави на народот сам да избира, бидејќи баш и не е најдобар во тоа, или пак не знае што прави, или пак и двете. Официјалните партиски кандидатури почнаа минатата пролет (иако Хилари уште од почетокот на вториот мандат на Обама), и сето ова ќе заврши летово на партиските конвенции кога ќе биде избран партискиот кандидат за изборите. Појаснување за правилата по кои ова ќе се случува.

Инсективе (Cicada) еднаш во 17 години излегуваат од под земја, живеат меѓу две и шест седмици на површина и умираат. За да не си губат време за глупости, Џон Оливер им направи мини апдејт за тоа што го пропуштиле овие 17 години. Последен пат беа излезени во 1999-та.

За сезона и нешто Џон Оливер комплетно здроби еден кандидат за гувернер заради неговите лаги, заради лошата инфраструктура во САД со ист гнев му се истури на Конгресот, а во неколку наврати до темел го уништи Доналд Трамп. Од тогаш кандидатот стана гувернер на Кентаки, Конгресот го држи истиот рејтинг, а Трамп и понатаму има најголем број гласови меѓу Републиканците (вчера само што победи и во Њујорк).

Конкретно ѕидот за кој што се расправа е на Трамп и е на мексиканско-американската граница, треба да го плати мексиканската влада и уште не е изграден. Во исто време, насекаде низ Европа без граници испоникнаа огради за кои не се расправаше, и за кои плаќаа европските држави, а кулминацијата на ова ќе се достигне во Турција со ѕид (за кој исто така не се расправаше) платен од ЕУ.

Се што треба да знаете за државите низ светов слободно може да почнете да го учите од Џон Оливер. На лекциите паралелно се предава - географија, геополитика, историја и како им изгледаш на комшиите.

Многу лесно, исто како и сите други ветувања, прво ќе научиш да уживаш во својот неуспех, а потоа ќе ревидираш се што си ветил. Џон Оливер со поконкретни упатства околу ова.

Ако случајно не ви успее она со постирањето на пораката за заштита на вашата приватност на ФБ, тогаш Џон Оливер ви нуди еднa подеднакво успешнa опција. Ако и ова не успее, секогаш на располагање имате едно сè уште експериментално решение што може да го пробате - ако нешто е премногу приватно за Фејсбук, не го ставајте на Фејсбук.

Меѓу работите кои годинава ги научивме од Џон Оливер, е и дека немаме поим која држава каде се наоѓа на Земјава. Фала ти Гугл.

Телеевангелистите се една од малкуте ступидни работи на кои сите овие години успешно им пркосиме да не си ги нагрбачиме сами на себе. Од сам старт сме запоседнати со гатачи и исцелители, кои и покрај ограниченоста на целата нивна логика, успеваат да стигнат до неочекувано голема публика, меѓутоа не и да направат некоја страшна штета (со чест на исклучоците). Поентата на Џон Оливер е - тоа што некој е доволно наивен да верува во вакви работи, не значи дека треба да го злоупотребиш.

Последно што пишувавме за темава беше пред неколку недели, кога го објавивме видеото и репортажата на американскиот ПБС. Истото ова видео е дел од воведот на Џон Оливер, па потоа надоградува на темата. На пример, праска од класа 2 (пониска класа која се стекнува чисто заради визуелни причини, а не хранливи) вреди само една третина од цената на праска од класа 1. Само по себе ова е доволно да не се исплати да ја собираш и да ја оставиш да скапе. Па има за супермаркетите, за датумот на траење...

Заштитен знак на шоуто се 15-минутните сегменти во кои обработуваат 1 тема. Сега празнично, за 4-ти јули, имаат 15 теми за минута и нешто.

Прозван не по основа црна кампања, инсинуации или каков бил не фер-плеј во извештаите за организацијата, туку по основа на ветувањето што го даде во случај Блатер да поднесе оставка. Ова второво се случи, сега редот е на Оливер.