Алегри и Гати против Влаховиќ и Костиќ. Без старца нема ударца. И тоа не од мртов агол, туку уште поназад.

Факт е дека не е истиот од Фиорентина, ама сезонава му е подобра од ланската и веројатно е нервозен што го вадат при негатива од 0:1 против Севиља на дури 30 минути до крај, а даде два гола по ред против Лече и Аталанта.

Во пресрет на клучниот дуел на Србија против Швајцарија кој се игра во петок од 20 часот, во Србија на големо се зборува за љубови афери на фудбалерите. Најспоменуван е Душан Влаховиќ кој наводно спиел со сопругата на голманот Предраг Рајковиќ. Шпицот на Јуве ги демантираше муабетите и рече дека најголем проблем е што тие луѓе во моментов работат спротивно на интересите на репрезентацијата.

Само четири дена откако опасно ја тресна Рома, Душан Влаховиќ одново блесна од слободен удар. Јувентус ја совлада Специја со 2:0, а српскиот центарфор за малку дупка ќе направеше во мрежата.

По оние 0:0 против Сампдорија, Јувентус повторно одигра реми во 3. коло од Серија А против Рома 1:1. Само што почна мечот, уште незагреан, Душан Влаховиќ го крена на нозе цел стадион во стилот на Алекс Дел Пјеро.

И покрај тоа што домашните навивачи „го испратија во пеколот“, сепак напаѓачот на Јувентус ги проголта сите навреди и отиде да го гушне довчерашниот соиграч кој ја реши првата полуфинална пресметка со автогол во 91-ва минута.

Јувентус го совлада Емполи на гости со 2:3 и му се доближи на лидерот Милан на -7. Новата српска аквизиција, Душан Влаховиќ кој е хит во Италија, бележи одличен старт во Јувентус со 5 гола на 6 меча со кои сега има вкупно 20 во Серија А и е прв.

Српскиот центарфор веднаш и демонстрира на Старата дама каква гол машина е и зошто вреди 75 милиони евра. Деби во Серија А со голчиште, деби во Куп со голчиште.

Српскиот центафор како нов член на Старата дама, се качи на стол после ручек и го избра италијанскиот хит „Una volta ancora“. Ама не покажа некои вокални способности, па среќа другите се уфрлија и ја кренаа атмосферата.

Ете толку му требаше на 75 милионското засилување на Јуве кој го одбележа јануарскиот преоден рок со трансферот од Фиорентина. Само неколку дена по промоцијата, го облече дресот на најтрофејниот италијански клуб и со мајсторски лоб го матираше голманот на Верона. 18-ти сезонски погодок за Душан Влаховиќ, исто колку Имобиле со кој се бркаат секое коло.

Појак роденденски подарок за Влаховиќ од трансфер во Јувентус, на биоскоп. По четири години престој во Фиорентина и 49 голови на 108 средби, од денеска со наполнети 22 години и официјално е член на Старата дама. Сезонава ја игра фантастично со 17 погодоци на 21 меч, прв на листа заедно со Имобиле.

Клипот почнува со ножички ала Пеле, а потоа ја дроби цела одбрана нешто како оној епски гол на Златан во Ајакс, а и така личи со конституцијата спрема другите, како џин. И додека да се свестите од првиве две лудории, малиот Душан ќе ве фрли во транс со уште ред други топ потези, дриблинзи и бомбастични удари. Да потсетиме, 10 години има тука. Какво талентиште.

Ниту ќе го убијат, ниту ќе го нападнат. Јаки се само на спреј. Во реалноста Влаховиќ ќе мора да се соочи со грди пароли, скандирања мајки, шајки и свирежи, тогаш кога ќе се врати во Фиренца во друг дрес, најверотно оној на Јувентус. Сè друго е само јачање на ултрас ликови кои никогаш не барале ферка со играчите, туку со оние од гостинската трибина. Да бидеме реални.

Трансферот на големиот српски талент е сè поблиску, а тоа страшно ги боли навивачите на Фиорентина, бидејќи изгледа дека ќе се оствари во нивниот душман Јувентус. Плус ќе нема кој да дава голови.

По заминувањето на Шевченко Џенова го доживеа највисокиот пораз сезонава во Серија А од 6:0 во Фиренца. Бекот Кристијано Бираги направи двојно шоу од слободен удар, а Душан Влаховиќ го запиша голот број 17 со врвно одиграна завршница.

Не е лесно да си навивач на Арсенал. Едно што треба да патиш поради резултатите, а друго што треба да се објаснуваш со навивачи на појаки екипи и да ти е глупо кога ќе се појави предвидување како ова горе.

Деца со опасен потенцијал и огромен талент од генерацијата 2000-та и околу неа хараат нив Европа. Не се само Мбапе и Халанд. Српскиот центарфор на Фиорентина е како ураган, пишува Газета. Стана миленик на навивачите на Фиорентина, но од неодамна почнаа да го свират и пцујат, бидејќи одби да потпише нов договор. Кој знае каков трансфер ќе лапа.

Се сеќавате кога Левандовски за 9 минути му даде 5 комада на Волфсбург, а Гвардиола се држеше за глава? Епа Душан начека нисколигаш и го наполни со 7 за едно полувреме.

Младиот српски центарфор Душан Влаховиќ е меѓу неколкуте фудбалери од Серија А кој беше позитивен на Ковид-19.

Колку само млади деца излегуваат и импресионираат со начинот на кој ги решаваат мечевите. Душан Влаховиќ од Фиорентина го запознавте ли? Погледне со каква кифла ги попари Наполитанците. Гатузо пак го држеше Елмас на клупа. 

Имаа водство на непријатното гостување во Фиренца 84 минути и држеа два бода предност пред Јуве. Сè тоа падна во вода кога еден нов клинец ја прими на центар и одигра дрска соло акција, без пардон што покрај него трчаше Милан Шкриниар, а бранеше Хандановиќ.