Се работи за многу пари, речиси 13 милијарди долари, кои Марлборо ги даде не така одамна надевајќи се на долг рок да штрбне нешто од успехот на електронската цигара Џул. И сето имаше многу логика до пред некое време, кога Трамп одлучи да почне да воведува забрани на е-цигарите.

1.500 вработени на Џул, производителот на електронски цигари, ќе поделат Божиќен бонус од 2 милијарди долари кој ќе им биде исплатен од Алтриа (поранешен Филип Морис) како дел од договорот за купување на удел во компанијата за е-цигари.

Во драматичен пресврт на досегашната пракса, производителите на цигари добија судска наредба да почнат да се рекламираат на телевизија и весници. Во уште подраматичен пресврт за самите производители, рекламите што ќе ги плаќаат треба да објаснуваат како тутунската индустрија лажела за штетноста од пушењето цигари.