Само треба да им кажеш дека реформите на даночната политика кои им ги читаш се на Берни Сандерс. Во тој случај, сè што е всушност на Трамп, кај оваа лоботомирана „авангарда“ проаѓа мазно.
Мала збирка од политички јасновидци кои јавно и гордо го ковертираа својот суд за државничката иднина на Доналд Трамп. Од утки на наши политички, медиумски и аналитичарски жреци би можело серија да се склопи.
Фото-бомба се вика кога неповикан ќе се испрчиш на нечија слика. Оваа е „на денот“ бидејќи натрапникот не е меѓу двајца луѓе туку меѓу две небесни тела.
Имаше многу фотографии од последниот Г-20 самит но една од нив ги собра сите вирални симптоми. Онаа на која Путин седи како Ѕинго на пауза од конгрес на социјалисти.
Некоја надобудна 20 годишна студентка фатила па ја зачистила ѕвездата на Доналд Трамп на холивудската патека на славните (како кај нас теткине што чистеа споменици) и гордо покажала како се покажува почит кон претседателот. Нормално, ја издишија од ремет. Не со онаа овдешна патетика (од кај ѝ се парите за крпчињата, се чисти ли фашизам и сл) туку со хумор и иронија од кои нема одбрана.
Популизмот денеска се смета за негативна политичка опција. Но токму популизмот му донесе победа на Трамп. Кратко видео со аргумент дека Демократите треба да се вратат на своите корени и да изградат свој економски популизам, не како оној на Трамп туку како модел кој ќе го заштити капитализмот од монополите и коруптивното влијание на големите пари врз политиката.
Може е стереотип, ама може и Велешани малку да олабават со здравје / фитнес / Трамп вебсајтови, и да извадат еден ваков нивен автентичен бренд, наместо како билмези да се редат пред странски новинари и да објаснуваат како направиле сајт за лажни вести затоа што морале да го прехранат семејството. Човеков се вика Крис Кејси, прави грнци и тоа го прави на Инстаграм пред речиси 65 илјади луѓе.
Џони Кеш за првпат пред публика изведува нова песна. Ни помалку ни повeќе туку Man in Black, пред да биде објавена на албум. Малку контекст: годината е 1971, виетнамската војна е во полн ек, млади војници на големо се враќаат дома во ковчези. А Кеш, ладен како надгробна плоча, на студентиве им раскажува зошто носи црно. Нема појако.
Работен наслов: кога ќе ја однесеш жена ти на одмор каде што не и се оди / ај да изгледаме нормални пред роднините. Меланија и во Рим му направи ескиважа на Доналд.
Сто дена подоцна и најмалку два пати повеќе разумни забелешки и аргументи, и симпатизерите на Трамп почнуваат да ја воочуваат грешката што ја направија. Може е доцна за ова гласање, ама барем нема да им се повтори грешката на следните избори.
Повикувајќи на француското чувство на супериорност над Англичаните и Американците, Џон Оливер ги преколнува Французите да не заебат работа како со Брегзит и Доналд Трамп. Но, против кандидатите на Марин Ле Пен се кој од кој.
Ако ја тргнеме на страна Кралицата Елизабета Втора никој од овие не се надевал дека еден ден ќе стане светски лидер. Освен веројатно Хилари, ама па за сега не излезе баш по нејзино.
Што е најголемото зло што Трамп може да им го направи на Индијците? Да им ги врати назад сите иселеници што се преселиле од Индија во САД, "тоа роднините со надуено его, погрешно чувство за успех и лажен акцент, па тие не се трпат кога ќе се вратат за одмор на неколку недели, а не па за трајно..."
Што да правиш ако живееш во постојан страв дека политиката на Трамп може да ја протера мајката на твојата сопругата, пошто жената е Латино? Да дадеш што е можно попрецизни податоци за неа :)
30 години пред да се случи целиот овој метеж со Трамп, социјални мрежите, лажните вести и алтернативните факти, Ноам Чомски и Едвард Херман ги анализираа пиларите на пропагандата, механизам кој не важи само за земји како Северна Кореја или Иран.
Демократи, избори, Демократска партија, Трамп, претседател, Републиканци, политичка коректност, сељачишта, интелектуалци, навредени, образовани, што, како, зошто се случи, сумирани во 19 секунди од Бил Маер.
Местото ви звучи познато затоа што го имате чуено на поминување, како родниот град на првата дама на САД, Меланија Трамп. Американците отидоа до Словенија да направат репортажа за местото во кое е родена и израсната "една од најголемите ќерки на Словенија". И вака, Словенија ко Словенија, мирно.
Респектабилен кастинг од филмски сценаристи (Педро Алмодовар, Том Форд...) и веќе во 5 минута се фаќаат за жена му на Трамп. Се разбира, како и пола свет, ја утнаа дека е од - Словакија. А за разбирање е, кој бил во Љубљана и Братислава, знае дека тоа се најдосадните градови во Европа.
Џастин Трудо покажа како се блокира а сега една џиу-џицу академија постираше видео упатство како најефикасно се реагира на непријатниот начин на ракување на Доналд Трамп, кога ти ја држи раката и те влече кон себе. Зафатот се вика „гускин врат“ и ќе биде весело ако некој државник се охрабри да го изненади плавушанот и да му го демонстрира потегот.