Здраво Трендо,
Морам да ти пишам поттикнат од случкиве на улиците, несреќите на пешаци, велосипедисти, возачи... слободно во recycle bin ако така мислиш.
Мислам дека како општество, нашата сообраќајна култура е отидена во 3 п.м. (не во 3 попладне). Крајно сум револтиран и од народот и сите учесници и од припадниците на МВР кои треба да регулираат сообраќај. Пред сè сочуство за сите настрадани.
Она што ме револтира е што исклучиво вината се бара кај возачите, па така се насловите од типот "Додека автомобили удираат велосипеди ќе нема безбеден сообраќај" и слични. Се сметам за одговорен, претпазлив возач, кој е казнет еднаш во 23 години возачка кариера (и тогаш не по моја вина, фалеше знак). Не е битно...
Сакам да кажам дека не е сè до возачите, ние сме стално на одстрел, поради многу идиоти зад волан, но до останатите учесници, мора да прашам:
До МВР:
- Зошто МВР ги изгасна семафорите на Рекорд веќе 2-3 недели?
- Зошто МВР пола Илинденска, Борис Трајковски, опасни улици и раскрсници ги остава на трепкачи?
- Зошто пред припадници на МВР поминуваат пешаци и велосипедисти на црвено, запирајќи колона, и не се казнува или барем опоменува? Само некој кутар таксист ќе настрада со 300 еур за застанување на автобуска или пешачки.
Луѓе од МВР, дајте малку казни, опомени, контроли, не само кога е кампања, туку постојано. Па не се утре избори па никој да не се казнува. И не се зезајте со семафорите, луѓе гинат. Вие сносите дел од одговорноста!
До пешаците:
- До кога на црвено, вон пешачки, со мобилни во раце ништо не приметувајќи, дијагонално итн... и да, кога врне, ви се брза да претрчате улица, разбирам, ама и јас ништо не гледам ни на 10-20 км/час, и не сакам некој ненадејно од тротоар да ми претрча пред кола каде не е пешачки.
Посебна приказна се велосипедистите па специјално до нив:
- Кога мислите да ставите барем мачкини очи, ако не светла... луѓе, ноќе не ве приметуваме, посебно ако врне или не е добро осветлено. Дајте не се зае....те туку обележете се према пропис, стевете мачкино око барем. Не, фраерски било да е само рамка и тркала, без светла, браници, ѕвона, мачкини очи... инаку било сељачки... А бе, мислите малку, ќе загинете! Гарантирам дека 90% точаци немаат мачкино око, ни странично ни од позади.
Посебен поздрав до сите со слушалки во уши кои преминуваат дијагонално на раскрсница на црвено - исти идиоти се како шоферите со мобилки.
И јас сум татко на 2 деца, и се плашам да ги пратам преку улица од идиотите шофери, така да не ме обвинувајте дека бранам шофери. Напротив, сакав само малку и по другите. Идиот е идиот, примерен учесник е примерен учесник без оглед од типот на учесникот. Само што примерните се сè помалку, а идиотите се множат.
Поздрав!
Б.Б.
