Сте чуле ли некогаш за бањалучкиот мастурбатор, мистериозниот лик кој своевремено господареше по Бања лука, жестоко мастурбирајќи по канцеларии на бројни фирми, навидум без повод? Ништо не е онака како што изгледа на прва.

Лајавиот Алекс Џонс го одраа со речиси милијарда долари кои ќе треба да ги плати (а ги нема) како отштета за неговите будалења и конспирации. Фино е секој да одговара за своите зборови. Само, колку треба да платат Буш, Кондолиза, Пауел и Чејни за она дека Садам има оружје за масовно уништување? 

Еден од човечките ликови со кои светските медиуми решија да го идентификуваат понеделничкото ракетирање на Киев и остатокот од Украина, беше една постара госпоѓа повредена и крвосана од ракетирањето и обвиена во завој.

„Само се шалев!“- ќе каже оваа расплакана кокона која „случајно“купила кауч за сто илјади долари. Кој бре остава картичка за кауч од 100К? Наместо да ископа дупка и да се самозалие со цемент, таа решила да се снима, со барање: „Ако некој има милион долари, ќе може да донирате?“ На крај на видето има објаснување како тоа функционира.

Репортерскиот ветеран Џереми Бауен праќа извештај од борбените линии на Украина. Залегнат е, под жесток оган, ризикувајќи го својот живот, за објективно да ги информира своите гледачи што таму се случува. Во позадина има една домаќинка со зембиљ која ја упропастува драматиката на ситуацијата. Јаз'к.

Контроверзниот Алистер Кроули беше окултист, поет, ја предводеше првата британска експедициија на врвот К2, беше лидер на секта, автор на прирачници за секс, посветен хероиноман, хомосексуалец и, во крајна нужда, бисексуалец. Тврдеше дека тој лично е Сатаната, се потпишуваше како „Ѕверот 666“. Постои една единствена аудио снимка од неговиот глас. Фуфка?

Кога пред 20 години се одјави и Маргита Стефановиќ, последна од ЕКВ, го објавивме тоа на Он.нет со наслов „ЕКВ повторно заедно.“ Фанови се тригернаа па диѓаа веѓи (иако „Повторно заедно“ се викаше и албумот кој не го снимија поради заминување на Милан). Сепак, да се оддолжиме за таа мала пакост со (овер)доза љубов.

„The Follower“ е софтвер што пребарува и открива како сте ги правеле фотографиите за Инстаграм. Ги користи отворените околни камери и вештачка интелигенција за да ви покаже како сте изгледале додека сте се местеле за фотка. Нема да заврши добро ова. Сево ова.

Домовите се нашите свети места. Нема подобро отколку после напорен работен ден да си дојдеш онаму каде што ти е наместено по свој вкус. Примероци од една ФБ група која се занима со ругање домашни ентериери. А стварно има разни шабанарии.

Пајтоновецот е стар заебант и богохулник, но иако не е Сер, е господин човек во највеликодушната смисла на тој збор. Еве како тој се прости од кралицата Елизабета, сеќавајќи се што сакал да ја праша на нивната единствена средба. Човечки, без патетика, поштено.

24 август 2022: Калифорнија најавува забрана за производство на автомобили на бензин.
30 август 2022: Калифорнија побара од луѓето во Калифорнија да избегнуваат полнење на електричните автомобили поради недостиг на струја.

Освен Куба, Јапонија и Италија, сите други од  топ 20-те држави со најголем очекуван пад на население во светот се од Источна Европа (не затоа што Западна е нешто многу повеќе плодна, туку затоа што увезе бегалци). Вака, така и ние сме во Источна Европа.

Пет веб алатки кои можеби не ги знаете а можат многу да ви помогнат. Некои се толку корисни што ќе имате чувство дека правите нешто нелегално, бидејќи сè што е корисно, во последно време станува нелегално (или скапо). А не правите ништо нелегално. Ваљда.

Од следните 1.000 што ќе бидат родени на планетава, најмногу, 123, ќе бидат во Индија. Во Македонија ќе бидат 0,16 бебиња, односно на 6.250 бебиња едно ќе биде родено кај нас. Во овие 1.000 Пакистан заостанува со само 5 бебиња зад цела Европа (не ЕУ, туку континентот).

Се случило тоа во 1960-та година во една психијатриска болница. Како резултат на негрижата на болничкиот персонал и чуварите, од лудницата еден ден успеале да побегнат 243 пациенти.

Кога во 1995 година, во американскиот национален парк Јелоустоун биле пуштени 14 волци, научниците не ни претпоставувале до какви сè промени ќе доведе овој потег и дека само дузина волци ќе можат да го сменат целиот еко-систем на паркот.

40-от претседател на САД кој денеска им е икона на американските конзервативци, беше првиот кој дојде на функција од светот на шоу бизнисот, поточно филмот. Роналд Реган имаше редовни неделни обраќања до нацијата преку радио а на денешен ден (11 август 1984) кажа нешто што треба ама и нешто што не е за кажување.

Експериментален сервис за слики со користење на GFP-GAN (мхм и на нас ни е исто толку јасно па го викаме магија) речиси целосно реставрира стари фотографии, главно ликови, до ниво за кое некогаш беа потребни денови работа и кликање во Фотошоп.

Весникарската трагедија во САД е што моментално нема ниту еден весник со тираж од над 1 милион примероци, а само од минатата година тиражот на топ 25-те е паднат за 12%. Меѓу овие 25 само еден весник имал раст на тиражот. Број 1 весник во САД со два пати повеќе тираж од вторпласираниот е Вол стрит журнал.

TED Talks и локалните TEDx-и натаму во суштина се супер формати на кои може да се слушнат паметни и инспиративни концепти и идеи. Само што, со текот на времето, почнуваат да се трупаат и фејкери и во презентациите да има многу „празни верглања“. На пример.

Две различни визии за иднината, едната на генијалниот Артур Кларк а другата на човек кој ќе стане Нобеловец ама ќе го тандркаат до Охрид по оној глупиот пат па ќе мора да им каже на домаќините да си ги направат патиштата. Кларк беше номиниран во 1999 година но никогаш не стана нобеловец. Кругман никогаш не стана визионер.   

Ник Кејв како уметник и музичар не е податлив MTV материјал но сепак добиваше внимание и признанија, особено со атрактивните дуети со Кајли Миног и сл. Во далечната 1996 година, најпристојно што може, Кејв им пиша на луѓето од телeвизијата зошто во иднина да го прескокнат кога ќе им текне на награди. 

Зеленски објавил мапа на Украина од пред 2014 и освојувањето на Крим. Медведев со објаснување дека „претседателот на Украина бил на психотропни супстанции“ кога ја објавувал мапата, објави своја верзија на мапа за истиот регион базирана на информациите од „западните аналитичари“.

Ако треба ЕДНА дефиниција за демократија да запамтите и суштински да разберете, оваа е таа. Остајте она дека демократијата е владеење на демосот (народот, луѓето). Како што знаете од секојдневниот опит, таа дефиниција ама баш ништо не ви врши работа. Ова е тоа: