Фотографиве стануваат фела која е крајно упорна да покаже дека за да си добар фотограф, најважно е да си добар фотограф. Односно дека не е важно каква опрема имаш, каде фотографираш, што и кого фотографираш. На тема локација, девојкава сака да ја докаже поентата со фотосесија сред маркет за алат и слична опрема.

Патот до добар фејк почнува од комплетна незаинтересираност за оригиналот, и со таква почетна позиција речиси и да нема крај на можните комбинации.

Comedy Wildlife Photography Awards е годишен натпревар кој треба да ги извади најсмешните пози во кои годинава било фотографирано некое животно (најчесто во дивина). И не, не се сите грациозни, величенствени и спектакуларни, туку и они знаат да бидат чисто црепови и морони. Ова се дел од финалистите за 2017.

Агорафобија е страв од отворен простор, јавни места и многу луѓе, и најчесто резултира со самонаметнато затвореништво во сопствениот дом. Џеки Кени е од Нов Зеланд, живее во Лондон, и страда од агорафобија. А и се шета и се плаче. Драмата на Кени значително се стишува кога таа го открива Гугл стрит вју, и сега не се симнува од сервисот. Како што „патува“ низ Стрит вју, така почнува да прави принтскрин од места на кои била и да ги објавува на Инстаграм. Моментално на Инстаграм ја следат над 80.000 луѓе, и чекаат да видат на кое ново место ќе ги однесе.

Се вика Илона Бугаева, 18 години, Санкт Петербург. Младата Русинка сака да се преправа во познати филмски ликови и тоа го прави толку добро што кога ќе ги прелистате нејзините фотографии, нема да ви биде јасно како таа всушност изгледа.

Да не седи бадијала додека му се реновира НОМА во Копенхаген, Рене Реџепи реши со својата екипа до отиде на еден месец во Мексико. Се врати со 4,2 милиони долари.

Фото-бомба се вика кога неповикан ќе се испрчиш на нечија слика. Оваа е „на денот“ бидејќи натрапникот не е меѓу двајца луѓе туку меѓу две небесни тела.

Иако наликува на уметничка слика од руска школа од 19-ти век, фотографијата е од почетоците на една историска политичка кариера од крајот на 20-от и почетокот на 21-от век. Лето 1990, Ангела Меркел како дел од својата од прва кампања за пратеничка во Бундестагот седнува на шнапс со рибарите од островот Риген. Меркел победува на овие избори и на следните шест.

Имаше многу фотографии од последниот Г-20 самит но една од нив ги собра сите вирални симптоми. Онаа на која Путин седи како Ѕинго на пауза од конгрес на социјалисти.

Кога ќе ги види новите верзии, човек неочекувано може да го пукне носталгија по старите за кои ни во лудило не помислил дека ќе му фалат. Што по стариот добар Боки - нејќам еден, нејќам два, три комада сакам ја - 13, кога беше безбедно заклучен во српско реално шоу со најпрецизен опис на станарите (Фарма), што по претходната будалетинка од Белата куќа, по кого на претходниот сајт имавме крстено и рубрика (Бушалаштини).

Или како што правилно ќе забележи старата женска поговорка: "Не е верно сè што ќе каже не." (П.С. во дискусија околу ова никако немој да употребиш - ама она прва почна, затоа што толку ќе биде од тебе.)

Фитнес инструкторката Ана Викторија на Фејсбук објавува две фотографии од себе. На една, од агол ко за на Фејсбук / Инстаграм, на друга од нормален агол. Двете направени една по друга.

Во 2005 ураганот Ервин уништува огромни (ама огромни) површини шума во Данска и Шведска. Сите паднати трупци ги собираат на едно место. Резултатот е ова складиште.

Неколку фотографии внимателно одбрани со единствена намера да ви ја засилат депресијата и чувството дека животот не е фер.

Рекламата е за мало семејно базенче. Оригиналната сток фотографија е со среќно и природно разголено семејство во него. Но, во финалната верзија голите торза на таткото и децата се обојуваат а најсаудиски минува мајката. Некако надуено.

Порано вакви фото галерии беа резервирани за њујоршките метроа но Русија одамна излезе од комунистичката униформираност и се распрсна во сите можни стилски правци. Само кај нас уште се чудат луѓе ако некој има поинаква фризура од вообичаените.

„Ќе снимам фаци додека имаат оргазам“, решила 24 годишната фотографка Алина Освалд за својата дебитантска фото - изложба и тргнала во поход по заинтересирани младинци и младинки од Берлин. Фотките се готови и јасно е дека зад нив стои доста рачна работа.   

Георгија (меѓународно), односно Сакартвело (локално) односно Ѓурѓистан по турски односно Врастан по ерменски (како Македонци кои 25 години го јадете калапот од Грците заради името, треба да знаете дека нив името Грузија страшно ги нервира) одамна е наштелувана на патот кон НАТО и евроинтеграција. Но, во бившата советска република уште има луѓе кои не можат да го прежалат Сталин. Да ве запознаеме со тажно-сентименталниот свет на нивните Чворовиќи.

Колекцијата потекнува од 70-тите и 80-тите години и претставува занимлив увид во оваа супкултура: симболи, прекари, територии, непријатели и слогани, ставени на визит карти за да се зацврсти единството на бандата, да се одврати конкуренцијата и да се регрутираат нови членови. На македонски, тоа би се рекло: заради бренд билдинг, лојалти програма, демиџ контрол и аквизиција.

После долго боледување, последната желба на еден старец е цигара и чаша вино на кровот на болницата во која лежи. Вон сите протоколи болницата решава да му го овозможи ова. Случката е од Данска, и станува збор за универзитетската болница Архус.

70-годишниот Мохамед Мохадин Анис пуши луле и слуша музика во разрушената спална од својот дом во населбата Ал-Шар во Алепо.

Во неможност да им помогне на животните како што сите други помагаат со лајкање и шерување на Фејсбук, или паламудење на Твитер, човеков земал цистерна и секој ден вози по неколку часа во еден правец за да им однесе вода на диви животни што живеат во сушните делови од Кенија. Патрик Килонзо Мвалуа не дека нема работа (земјоделец е) или дека "фатил проект", туку едноставно сфатил дека на животните мора да им се помогне, и тоа го прави.