- Ревлон поднесе документи за банкрот поради претешкиот долг со кој не успеа да се снајде. Не се вклучија на време во бумот на продажба на шминка што го извозеа инфлуенсерите.
- Компанијата има 90 години и е во сопственост на милијардерот Рон Перелмен, а почнаа со продажба на лакови за нокти на крајот на Големата депресија, па потоа додадоа кармини во колекцијата.
- До 1955, брендот е веќе меѓународен, но последниве години се мачеа да се натпреваруваат со понови брендови што сериозно го сфаќаат рекламирањето на социјалните мрежи.
- Фотографот Дерек Ц. Бласберг, денес соработник во Харперс Базар меѓу 2009 и 2012 се шетал со Канон Пауершот и го документирал светот на модата, уметноста и ноќната сцена во Њујорк.
- Книгата се вика Fast + Louche и е колекција на слики што ги правел за колумна со истиот наслов за магазинот Интервју.
- Самата колумна се развива од историјата на Интервју - Ворхол кој го има основано магазинот бил опседнат со дкокументирање на сопствените „излегувања и влегувања“.
- Книгата е сега сведоштво на едно друго комплицирано и слоевито време - далеку поедноставно од ова денес.
- Додека Лорен Безос (сегашната сопруга на Џеф Безос) се мачи да ја прифатат на холивудската и модната естрада, Мекензи Скот (бившата) се заветува дека „има да подарува додека не пресуши“.
- Ако само лани вкупните донации достигнале до 19,2 милијарди долари, скоро една третина - 7 милијарди - е од Мекензи Скот.
- Безос се ожени за неа во 1993, една година пред да го основа Амазон во нивната гаража дома. Имаат три сина и ќерка и се разделија во 2019.
- Скот, која сега има 56 години има донирано над 26 милијарди на над 2700 организации.
