- Тешко е да се поверува дека Рим, колевката на цивилизацијата што и ден денес воодушевува со печатот што го има оставено на историјата, би имал одвратно, ама одвратно решение за одење во тоалет.
- Прво, тоалетите биле заеднички - да, разубавени со мурали по ѕидови и скулптури и - со мермерни плочи во кои биле исечени дупки. Да си седиш во преполна отворена просторија и да си „вршиш работа“ било сосема нормално.
- Фала богу, седиштата биле поставени над канал по кој течела вода, па барем не се задржувало тоа на едно место.
- Но! Немало нели, тоалетна хартија, па се користел сунѓер, прицврстен за столб - се мокрел во каналот, па се бришеле со него. Понекогаш, се чувал во кофа со солена вода и оцет.
- Ако остана еден што не му е гадно, тогаш да поентираме - сунѓерот бил заеднички. За сите.
Фотографија
- Деби Хари треба да полни 80 години. Нека ви легне прво таа информација.
- Седнува на интервју со Венити Фер и зборува за предизвици за 50 милиони продадени албуми и хитовите.
- Најмногу се гордее со врските, со соработките со врвни таленти и среќата што ја имала. И тоа што бендот уште се држи и после 50 години.
- „Со моето минато (посвоена е) ако навистина сакав деца, ќе посвоев, затоа што би знаела што да му кажам на тоа дете. Но, како што реков, сакав да избегам од тоа среднокласно очекување. Се очекуваше од мене да се мажам и да раѓам и тоа беше многу далеку од она што го имав на ум. Затоа и многумина нѐ имаше што гравитиравме кон Њујорк - сакавме да комуницираме со други уметнички настроени луѓе што размислуваат како нас.
- Естетиката на Вес Андерсон има влијание од различни жанрови, од хорор, до романса.
- Ретко кој режисер може да се пофали со инстант-препознатливост како Андерсон, па критичарите и публиката со години се прашуваат на што се должи тоа.
- На списокот се „Кој се плаши од Вирџинија Вулф“ и „Дипломец“. И е добар список за наслови што не сме ги начекале и за луѓе што не знаат веќе што да пуштат.
