Вести › Набрзинка

Унгарија приведе курири што носеле злато и кеш за Украина

6 март 2026

Украина ја обвинува Унгарија дека „грабнала“ седум лица што пренесувале пари и злато од Австрија до Киев преку Унгарија.
Украинската државна штедилница Ошадбанк објави дека нејзините службеници во два автомобили пренесувале 40 милиони долари и 35 милиони евра во кеш, како и 9 килограми злато, во договор со банката Рајфајзен.
„Унгарија грабнува заложници и краде пари... Денес во Будимпешта унгарските власти зедоа како заложници седум украински државјани. Причините сè уште се непознати, како и нивната моментална состојба“, објави министерот за надворешни работи Андриј Сибиха.

Тој ја префрли одговорноста врз унгарскиот премиер Виктор Орбан, кој се закани дека „со политички и финансиски алатки“ ќе ја принуди Украина повторно да го отвори нафтоводот Дружба што носи руска нафта до унгарските рафинерии.
„Унгарија ќе употреби сите средства за да го реши спорот со Украина, која ги запре испораките на руска нафта. Ги прекинавме испораките на бензин, не испорачуваме ниту дизел, сè уште испорачуваме струја, а исто така ќе ги запреме испораките на работи што се важни за Украина, сè додека не добиеме нафта“, изјави Орбан.

6 март 2026

6 март 2026

Иранскиот претседател Масуд Пезешкијан потврди дека некои земји се нудат да посредуваат за крај на војната што на неговата земја ѝ ја објавија САД и Израел, но порача дека сите такви иницијативи треба да бидат насочени кон агресорите, а не кон Техеран.
„Да бидеме јасни: ние сме посветени на траен мир во регионот, но нема да се колебаме да го браниме достоинството и суверенитетот на нашата нација. Посредувањето треба да се однесува на оние кои го потценија иранскиот народ и го запалија овој конфликт“, објави Пезешкијан на Икс.

Откако војната почна во саботата, Катар, Турција, Египет и Оман, се понудија да посредуваат за преговори за крај на конфликтот.
Иранското Министерство за надворешни работи завчера објави дека е „време за одбрана, а не за дипломатија“. Пезешкијан самиот неколку пати кажа дека е „предоцна за преговори“.
САД и Израел ја почнаа војната со „превентивни напади“ додека Иран во Женева преговараше со САД за запирање на својата нуклеарна програма. Подоцна беше откриено дека преговорите биле фарса и дека САД веќе биле решени да го нападнат Иран.