Парафразирана, познатата изрека на Буковски, дека треба да пишуваш само ако не можеш а да не пишуваш, во верзијата на Манчевски, а сумирана врз основа на овој текст, би гласела - создавај уметност само ако длабоко веруваш во неа, на начин на кој и другите ќе ти поверуваат. Тоа значи без фол, од стомак и од срце, зборувајќи за работи кои ја чинат с'ржта на животот, без оглед дали тој се одвива на улиците на Њујорк, на бреговите на Ганг или во кафана во Дебар маало.
